Revilieshan 14:14 - Di Jamiekan Nyuu Testiment

¹⁴ Wen mi luk, mi si wan wait kloud infronta mi, an sumadi laik di Man we Gad Pik did a sidong pan di kloud wid wan guol kroun pan im ed, an sitn laik wan shaap kotlis iina im an.

Revilieshan 14:14 ပူးပေါင်းရင်းမြစ်များ

Revilieshan 1:13

An tan op iina di migl a dem, mi si sopm we luk laik wan man. Im did av aan wan lang lang jakit we kech im klier dong a im fut, an wan guol chrap kraas im ches.

Iibruu 2:9

Wa wi si ya nou a Jiizas. Fi wan likl wail im did de luo dong dan di ienjel dem, bot nou im av powa. Nou Gad riez im op ai ai laik a wan kroun im put pan im ed. Im av powa an Gad riez im op ai ai kaaz im sofa an ded. An kaaz Gad lov wi so moch iivn duo wi no dizorv it, im mek Jiizas ded fi evribadi.

Luuk 21:27

Den dem a-go si di Man we Gad Pik a kom iina wan kloud an im a-go av powa an wan brait brait lait a shain roun im.

Matyu 17:5

Luk ya no, siem taim Piita a chat, wan brait kloud kom dong kom kova dem op, an wan vais iina di kloud se, “Dis a fi mi Bwai Pikni, mi lov im, an im mek mi api. Unu fi lisn we im se!”

Revilieshan 6:2

Wen mi luk mi si, wan wait aas tan op infronta mi! Di man we did a raid di wait aas did av wan buo an aro iina im an, an im did get wan kroun. An im raid outa evn go a ort laik wan suoja we fait an biit op im enimi dem aredi an a go biit dem op agen.

Revilieshan 1:7

Luk de! Im a kom iina di kloud, an evri yai a-go si im, iivn di wan dem we mek dem kil im wid di suod; an aal di piipl dem pan ort a-go baal siek-a im. A so it a-go go! Iemen.

Revilieshan 20:11

Den mi luk an si wan big, big, wait chuon an sumadi sidong pan it. Di ort an di skai did disapier fram infronta im an nobadi neva si dem agen.

Revilieshan 19:12

Im yai dem komiin laik wan faiya we a bliez, an im av wan uol iip a kroun pan im ed. Im av wan niem rait pan im we nobadi no nuo, onggl im wan.

Revilieshan 11:17

Dem se: “Laad Gad, yu we av aal di powa, wi gi yu tangks. Yu a di wan we alaiv, an di wan we de bout fram wie bak wen. Wi tangk yu se yu a shuo yu powa an ruul uova di uol worl.

Revilieshan 10:1

Den mi si wan neda powaful ienjel a kom dong fram evn. An im did av wan kloud rap roun im laik kluoz, an wan rienbuo uova im ed. An im fies shain brait laik di son. An im fut dem komiin laik som kalom we mek outa faiya.

Maak 4:29

An wen di fuud we di faama plaant redi, im pik dem.”

Matyu 13:30

Mek di tuu a dem gruo til a taim fi gyada we plaant op. Wen da taim de kom mi wi tel di wokman dem fi gyada op di wiid an tai dem iina wan bonggl fi bon. Bot di wiit dem, dem a-go gyada dem op an put dem iina mi bochri.’ ”