Revilieshan 14:13 - Di Jamiekan Nyuu Testiment

¹³ Den mi ier wan vais fram evn se tu mi se, “Rait dong dis: fram nou aan, di piipl dem we ded an dem an di Laad a wan, a dem bles.” Di Spirit se, “Yes, dem aad wok don, an dem a res nou, an aal a di sitn dem wa dem did du wi taak fi dem.”

Revilieshan 14:13 ပူးပေါင်းရင်းမြစ်များ

Matyu 3:17

An wan vais fram evn se, “Dis a mi wan dege-dege Bwai Pikni, mi lov im, an im mek mi aat glad.”

Luuk 16:25

“Iebriyam ansa im an se, ‘Pikni, wen yu did alaiv, a bier gud sitn yu get, an a bier bad sitn riich Lazaros, nou im api an a liv aarait an yu a sofa.

Luuk 16:9

Mi a tel yu dis, yuuz di moni we yu av fi du gud fi piipl an mek fren, so wen it don, yu wi av wan uom iina evn.

Ruoman 14:8

Kaaz ef wi liv, wi a liv fi di Laad; an ef wi ded, wi ded fi di Laad. So den, weda wi liv ar wi ded, wi bilang tu di Laad.

1 Korintiyan 15:18

Wos di piipl dem we biliiv iina Jiizas Krais an we ded aredi, dem gaan fi gud — Gad a ponish dem fi dem sin.

1 Korintiyan 15:20

Bot di chuut a dat Jiizas Krais did kom bak alaiv. An im mek wi nuo fi shuor se Gad a-go mek ada piipl we ded an we biliiv iina im kom bak alaiv tu.

1 Korintiyan 15:58

Mi breda an sista tan op chrang an no mek notn mek yu tap biliiv. Mek shuor se unu eva a du di Laad wok sins unu nuo se aal we unu du fi Gad — unu naa du fi notn.

2 Korintiyan 5:8

So laik mi did a se, wi no fried an wi no gi op, an wi waahn fi get wi nyuu badi an go liv wid di Laad muor dan wi waahn fi kip da badi ya.

Filipiyan 2:17

Bot iivn ef dem kil mi an jrien out mi blod laik wain we dem chuo pan sakrifais gi Gad, kaaz unu biliiv iina im an a sorv im, mi wi api. Ye! Mi an unu a-go api tugeda.

1 Tesaluoniyan 4:14

Wi biliiv se Jiizas ded an kom bak alaiv, so wi biliiv se Gad a-go mek evribadi we chos iina Jiizas kom bak alaiv wen Jiizas kom bak.

1 Tesaluoniyan 4:16

Kaaz di Laad imself a-go kom dong fram outa evn, an piipl a-go ier im baal out loud. Dem a-go ier di ed ienjel kaal out an Gad chompit a-go bluo. An di piipl dem we ded we did biliiv iina Krais Jiizas, dem a-go kom bak alaiv fos.

1 Tesaluoniyan 5:10

Jiizas ded fi wi, so weda wi alaiv ar wi ded di uol a wi kyan go liv wid im.

1 Timoti 5:24

Som piipl sin yu kyan si so plien dat nobadi no iivn afi se notn fi yu nuo se dem gilti. Bot ada piipl sin no so iizi fi si, it no shuo til lieta.

1 Timoti 5:25

A di siem wid di gud sitn dem we piipl du. Som a dem iizi fi si an som no iizi fi si, bot non a dem kyaahn aid.

Revilieshan 1:11

Di vais se tu mi se, “Rait dong dem sitn ya we yu si iina wan buk an sen it go a di sevn choch dem: sen it go a Efisos, Simorna, Porgamom, Taiyataira, Saadis, Filidelfiya an Leyodiisiya.”

Revilieshan 10:4

Wen di sevn tonda ruol, mi did out fi rait dong wa dem se. Bot sumadi iina evn se tu mi se, “No tel nobadi wa di sevn tonda dem se. No rait it dong.”

Revilieshan 11:15

Wen ienjel nomba sevn bluo fi im chompit, mi ier som loud vais iina evn a se, “Nou fi wi Gad, an Krais Jiizas av di rait fi ruul uova di uol worl an im a-go ruul fi eva an eva.”

Revilieshan 11:19

Den Gad ous iina evn uopm op. An mi si iina Gad ous di likl wud baks we kip di tuu stuon buk dem we Gad did gi Muoziz an we av di ten Laa dem rait pan it. Siem taim laitnin did a flash, tonda staat ruol, wan ortkwiek lik an wan torbl staam kom, an aal ais staat jrap fram di skai.

Revilieshan 16:17

Ienjel nomba sevn pich out wa iina fi im boul iina di ier, an wan loud vais kom fram Gad chuon we iina Gad ous, it se, “It don.”

Revilieshan 19:9

Den di ienjel se tu mi se, “Rait dis dong: ‘Di wan dem we get invait fi kom a di Biebi Shiip wedn sopa, a dem api.’ ” Den di ienjel se tu mi se, “Wa mi a tel yu, a Gad wod we chuu.”

Revilieshan 2:1

An den di man we mi did si se tu mi se, “Rait dong da mesij ya sen go gi di liida fi di choch we iina Efisos. Tel im se: Dis a wa di wan we uol di sevn staar dem iina im rait an, an we waak mongks di guol sitn fi uol kyanggl av fi se:

Revilieshan 2:7

Aal uu kyan ier beta lisn we di Uoli Spirit a se tu di choch dem. Enibadi we biit di devl an no gi iin tu di sitn dem we im waahn dem fi du, mi a-go gi dem di rait fi iit fram di chrii we gi laif, we iina Gad gyaadn we de a evn.

Revilieshan 20:6

Di piipl dem we kom bak alaiv di fos taim riili api. Dem a Gad piipl. Di sekan det no av no powa uova dem. Dem a-go ton priis fi Gad an Krais Jiizas an dem a-go ruul wid im fi wan touzn ier.

Revilieshan 21:5

Gad we did sidong pan di chuon se, “Mi a mek evriting nyuu!” Den im se, “Rait dis dong, kaaz wa mi a se a chuu an evribadi kyan biliiv it.”

Revilieshan 22:17

Di Spirit an di braid se, “Kom Laad Jiizas!” An aal uu ier wa de iina da buk ya, se, “Kom Laad Jiizas!” Aal uufa chuot jrai an we waahn waata fi jringk, kom kom tek di frii waata we gi laif.

Revilieshan 6:11

Den evri wan a dem get wan lang wait jakit we kech dem klier dong a dem fut, an sumadi tel dem se dem fi wiet likl langga til di res a Gad piipl dem we fi get kil laik dem, get kil.