Revilieshan 14:11 - Di Jamiekan Nyuu Testiment

¹¹ An di sumuok fram di solfa we a bon dem, go op fi eva an eva. Di piipl dem we worship di wail animal an di sitn we dem mek fi luk laik im, an we tek im maak pan dem badi a-go sofa die an nait fi eva an eva an dem naa go get no iiz op.

Revilieshan 14:11 ပူးပေါင်းရင်းမြစ်များ

Matyu 11:28

“Aal a unu we taiyad an bordn dong unu kom tu mi an mi wi mek unu get fi res.

Matyu 25:41

“Den di king a-go se tu aal uu de pan im lef-an-said se, ‘Gwe fram saida mi! Gwaan go bon op iina di faiya we a bliez fi eva an eva. A it Gad did fiks op fi di devl an im ienjel dem, bot im a sen unu go de tu!

Matyu 25:46

“An dem piipl ya, dem a-go go wich paat dem get ponish fi eva, bot di wan dem we du we rait iina Gad yai, Gad a-go mek dem liv fi eva.”

Iibruu 1:8

Bot dis a wa im se bout di Bwai Pikni, “Uo Gad! Yu a-go ruul fi eva an eva! An yu a-go ruul di rait wie fi chuu.

Revilieshan 11:15

Wen ienjel nomba sevn bluo fi im chompit, mi ier som loud vais iina evn a se, “Nou fi wi Gad, an Krais Jiizas av di rait fi ruul uova di uol worl an im a-go ruul fi eva an eva.”

Revilieshan 13:12

Im yuuz di siem kain-a powa we di fos wail animal did av gens aal a di piipl dem pan di ort an fuos dem fi worship di fos wail animal we did av wan chap we luk laik it did kil im, bot we ed did get beta. An aal we im du, im du it infronta di fos wail animal.

Revilieshan 13:15

Gad lou di sekan wail animal fi get powa fi gi laif tu di sitn we luk laik di fos wail animal so dat it kuda taak, an kil enibadi we no waahn worship it.

Revilieshan 13:17

So nobadi kudn bai ar sel ef dem no av di maak — dat a di wail animal niem ar im nomba.

Revilieshan 14:9

Den ienjel nomba chrii kom afta di ada tuu ienjel dem an kaal out loud loud: “Ef nobadi worship di wail animal an di sitn we dem mek fi luk laik im an tek im maak pan dem farid ar pan dem rait an,

Revilieshan 18:18

Wen dem si di sumuok we a kom fram di faiya we a bon ar op, dem baal out, ‘No siti eva powaful laik da wan ya?’

Revilieshan 18:9

“Wen di king dem pan ort we tek paat iina aal kain-a seks sin wid ar an we liv ou shi liv, si di sumuok we a kom fram di faiya we a bon ar op, dem a-go ala an baal fi ar.

Revilieshan 19:3

An di kroud a piipl dem shout out wan muor taim: “Aliluuya! Sumuok go op fram di faiya we a bon ar op, di faiya we a-go bon fi eva an eva.”

Revilieshan 20:10

An di devl, we fuul dem op, get fling dong iina di siem liek a faiya we a bon wid solfa we di wail animal an di faalz prafit did get fling iina. Aal a dem a sofa wikid wikid die an nait fi eva an eva.

Revilieshan 22:5

No muo nait naa go kom iina di siti, so Gad piipl dem naa go niid no lamp lait ar no son lait, kaaz di Laad Gad brait brait lait a-go lait op di siti. An Gad piipl a-go ruul fi eva an eva.

Revilieshan 7:12

an se: “Iemen! Wi Gad, wi gi yu priez an ana an rispek. Yu waiz, an powaful an chrang an wi aalwiez gi yu tangks fi eva an eva. Iemen!”