Revilieshan 13:6 - Di Jamiekan Nyuu Testiment

⁶ Di wail animal uopm im mout an staat kos out Gad an taak som torbl sitn bout Gad an Gad niem an evn an aal uu liv iina evn.

Revilieshan 13:6 ပူးပေါင်းရင်းမြစ်များ

Revilieshan 12:12

So evribadi iina evn, unu fi api! Bot aal uu liv pan di ort an piipl we de a sii, chobl fu'unu, kaaz di devl gaan dong tu unu! Im beks bad — beks til im tempa a bwail uova, kaaz im nuo se im taim shaat.”

Iibruu 9:24

Kaaz Krais Jiizas neehn go iina wan tent we piipl mek, we did jos a ak laik di riil tent — nuo sa! Im go iina evn itself an de de wid Gad nou, fi elp wi.

Matyu 15:19

Kaaz a outa di aat aal kain-a wikidnis we piipl tingk op kom fram. Wen sumadi go kil, go sliip wid sumadi we dem no marid tu ar gwaan wid aal kain-a ada seks sin, wen piipl tiif, tel lai, ar tek dem mout tier dong ada piipl — a di aat dem sitn de kom fram.

Matyu 12:34

Unu likl siniek pikni unu! Ou unu kyan se notn we gud, wen unu wikid an tan bad? Kaaz wa kom outa yu mout, a wa de iina yu aat.

Revilieshan 21:3

An mi did ier wan loud vais fram di chuon a se, “Fram nou aan Gad yaad a-go de mongks piipl. Im a-go liv wid dem an dem a-go bi fi'im piipl. Gad imself a-go de wid dem an im a-go bi fi dem Gad.

Revilieshan 18:20

Evribadi iina evn, unu fi api siek-a wa apm tu ar! Aal a Gad piipl, im apasl an prafit, unu fi api! Kaaz Gad joj ar an ponish ar fi aal wa shi du unu.’ ”

Revilieshan 11:12

Den di tuu prafit dem ier wan loud vais outa evn se tu dem, “Kum op ya.” An wan kloud tek dem op iina evn wail dem enimi a wach.

Revilieshan 7:9

Afta dat mi si wan big kroud a piipl tan op infronta mi, dem did so nof dat nobadi kudn kount dem. Dem kom fram evri konchri, chraib, an piipl we chat aal kain-a langwij. Dem kom tan op infronta di chuon an infronta di Biebi Shiip. Dem did av aan wait jakit we kech dem klier dong a dem fut, an dem did av paam liif iina dem an.

Revilieshan 5:13

Den mi ier evriting iina evn an evriting pan di ort an evriting we anda di ort an we iina di sii sing da sang ya: “Wi gi priez an ana an powa tu di wan we sidong pan di chuon an wi priez di Biebi Shiip tu. Wi priez dem fi eva an eva!”

Revilieshan 4:4

Roun di fos chuon, mi si twenti-fuo ada chuon wid twenti-fuo elda sidong pan dem. Di twenti-fuo elda dem did av aan wait kluoz, an evri wan a dem av aan wan guol kroun pan dem ed.

Revilieshan 4:1

Afta aal a dem sitn de apm, mi luk an si wan duor uopm iina evn. An di vais we did soun laik wan chompit we mi did ier a taak tu mi di fos taim, se tu mi se, “Kum op ya-so. Kum mek mi shuo yu we gweehn apm likl fram dis.”

Iibruu 9:2

Dem put op wan tent fi worship Gad an afta yu go chuu di fos kortn yu did de iina di Uoli Plies. Iin de-so, yu did av wan lampstan an di tiebl wid dem speshal bred we di priis tek gi Gad.

Ruoman 3:13

“Fi dem mout komiin laik wan uopm griev, wid dem tong a bier lai dem tel an chrik piipl. Di wod dem we kom outa dem mout kil piipl, a laik dem lip ful op a di siem paizn we siniek av.

Koloshan 2:9

Uu Jiizas bi no difrant fram uu Gad bi. Eniting we mek Gad Gad, de iina Jiizas tu, an aal wen im did de iina man faam im did tan siem laik Gad.

Koloshan 1:19

Eniting we mek Gad Gad, de iina Jiizas tu. Gad did api wid dat; a im mek it apm so.

Jan 1:14

Nou, di wan we a di Wod ton man, im kom kom liv mongks wi, an wi si ou im big an powaful. Im a Faada Gad wan an onggl dege-dege Bwai Pikni. Faada Gad sen im kom an a di Faada mek im so big an powaful. Di Bwai Pikni shuo wi nof nof lov iivn duo wi no dizorv it, an a bier chuu sitn im shuo wi bout Gad.

Revilieshan 7:15

Siek-a dat “dem tan op infronta Gad chuon nou an a sorv im die an nait iina im ous. An di wan we sidong pan di chuon a-go liv wid dem an protek dem.

Revilieshan 15:5

Afta dem don sing, mi luk an si Gad ous uopm op iina evn (dat a di tent wid di stuon buk wid di pramis we Gad did mek wid im piipl dem).