Revilieshan 13:5 - Di Jamiekan Nyuu Testiment

⁵ Sumadi gi di wail animal vais fi taak som wikid an torbl sitn gens Gad an fi shuo aaf im powa fi faati-tuu mont.

Revilieshan 13:5 ပူးပေါင်းရင်းမြစ်များ

2 Tesaluoniyan 2:3

No mek nobadi fuul unu op non at aal. Kaaz da die de naa kom til wan taim kom wen uol iip a piipl a-go go gens Gad an no waahn av notn fi du wid im. An da die de naa kom til di Man we brok Gad Laa shuo op — di man we Gad boun fi tier dong an mash op iina el.

2 Tesaluoniyan 2:4

Im a-go fait gens eniting an enibadi we piipl kaal gad, an eniting we dem worship. An im a-go put imself aiya dan dem. Im a-go aal tek siit iina Gad ous an kliem se im a Gad.

2 Tesaluoniyan 2:8

An den, di wan we brok Gad Laa a-go shuo op an mek evribadi nuo uu im bi. Bot wen di Laad Jiizas kom im a-go bluo pan im kil im, an Jiizas brait brait lait a-go waip im out fi gud.

Revilieshan 11:7

Wen dem don se aal wa Gad waahn dem fi se, di wail wail animal we kom op outa di diip diip pit we no av no batam gweehn atak dem, an biit dem an kil dem.

Revilieshan 12:14

Sumadi gi di uman tuu wing laik wan powaful iigl, so shi kuda flai go a di plies we Gad set op fi ar — faar faar we nobadi no liv. A de-so shi a-go get luk aafa fi chrii an a aaf ier, we di jragan kyaahn du ar notn.

Revilieshan 12:6

Di uman ron we go a wan plies we Gad set op fi ar, faar faar we nobadi no liv. A de-so shi a-go get luk aafa fi wan touzn, tuu onjrid an siksti die.

Revilieshan 13:7

An di wail animal get powa fi mek waar gens Gad piipl dem an fi win dem. An im get powa uova evri chraib, piipl, dem langwij an dem konchri.