Revilieshan 13:18 - Di Jamiekan Nyuu Testiment

¹⁸ Unu afi waiz ef unu waahn andastan dis ya. Enibadi we waiz kyan ad op di wail animal nomba, kaaz a man nomba. Im nomba a 666.

Revilieshan 13:18 ပူးပေါင်းရင်းမြစ်များ

Maak 13:14

“Bot wen unu si di wikid wikid sitn we go gens Gad tan op iina Gad ous — mek shuor se evribadi we riid dis ya andastan we it miin — den dem we liv iina Judiya fi ron we go iina di mountn dem.

Ruoman 3:5

So wa ef wen wi du rang, piipl si klier klier se Gad aalwiez a du we rait? Wa wi kyan se bout dat? Unu tingk wi kyan se Gad a du rang wen im ponish wi? (Mi jos a taak ou som piipl taak)

Revilieshan 1:3

Enibadi we riid di sitn dem we iina da buk ya out loud a-go api, an di wan dem we ier it an du wa it se, dem a-go api tu. Kaaz di taim suun kom wen aal a dem sitn de we Jiizas tel wi bout a-go apm.

Revilieshan 15:2

Mi si sitn we luk laik wan glaas sii miks wid faiya. An mi si di piipl dem we neva gi iin tu di wail animal ar worship di sitn we dem mek fi luk laik im, an we neva tek di nomba fi im niem. Dem did tan op saida di glaas sii, an iina dem an dem did av di aap dem we Gad gi.

Revilieshan 17:9

“(Aal dem sitn ya we mi a se, dem kaal fi sumadi we tingk waiz). Di sevn ed dem tan fi di sevn mountn we paat di uman sidong. Di sevn ed dem tan fi sevn king tu.

Revilieshan 21:17

Im meja di siti waal wid im ruula an it a did 216 fut ai (azkaadn tu ou piipl meja tingz, an a di siem wie fi meja di ienjel did a yuuz).