Revilieshan 13:17 - Di Jamiekan Nyuu Testiment

¹⁷ So nobadi kudn bai ar sel ef dem no av di maak — dat a di wail animal niem ar im nomba.

Revilieshan 13:17 ပူးပေါင်းရင်းမြစ်များ

Revilieshan 15:2

Mi si sitn we luk laik wan glaas sii miks wid faiya. An mi si di piipl dem we neva gi iin tu di wail animal ar worship di sitn we dem mek fi luk laik im, an we neva tek di nomba fi im niem. Dem did tan op saida di glaas sii, an iina dem an dem did av di aap dem we Gad gi.

Revilieshan 14:11

An di sumuok fram di solfa we a bon dem, go op fi eva an eva. Di piipl dem we worship di wail animal an di sitn we dem mek fi luk laik im, an we tek im maak pan dem badi a-go sofa die an nait fi eva an eva an dem naa go get no iiz op.

Revilieshan 13:16

Im aal fuos evribadi, likl an big, rich an puo, uu frii an uu a sliev, fi tek wan maak pan dem rait an ar pan dem farid.

Revilieshan 22:4

Dem a-go si Gad fies tu fies, an im niem a-go rait pan dem farid.

Revilieshan 14:9

Den ienjel nomba chrii kom afta di ada tuu ienjel dem an kaal out loud loud: “Ef nobadi worship di wail animal an di sitn we dem mek fi luk laik im an tek im maak pan dem farid ar pan dem rait an,

Revilieshan 13:18

Unu afi waiz ef unu waahn andastan dis ya. Enibadi we waiz kyan ad op di wail animal nomba, kaaz a man nomba. Im nomba a 666.

Revilieshan 3:12

Evri wan a unu we biit di devl an no gi iin tu di sitn dem we im waahn unu fi du, mi a-go mek unu komiin laka wan impuotant kalom iina fi mi Gad ous, an unu naa go lef, unu a-go tan de fi eva an eva. An mi a-go rait fi mi Gad niem pan im, an mi a-go rait pan im Nyuu Jeruusilem, we a fi mi Gad siti niem. Da siti de kom fram Gad an a-go kom dong fram evn. An mi a-go rait dong fi mi nyuu niem pan im tu.

Revilieshan 17:5

Shi av wan niem rait pan ar farid we nobadi no nuo wa it miin. Di niem se: A MI A POWAFUL BABILAN. MI A DI MUMA FI AAL UOR AN FI AAL KAIN-A SEKS SIN AN NAASINIS IINA DI WORL.

Gyalieshan 6:17

Fram nou aan, nobadi fi gi mi no muor chobl kaaz mi av di maak dem pan mi badi we shuo se mi a Gad sliev.

Revilieshan 7:3

“No chobl di lan ar di sii ar di chrii dem til wi put wan maak iina di piipl dem farid we bilang tu fi wi Gad.”

Revilieshan 20:4

Den mi si som chuon an di wan dem we did get powa fi ruul did sidong pan dem. An mi si di spirit fi di piipl dem uufa ed did get chap aaf kaaz dem biliiv iina Jiizas an tan op chrang fi im an fi Gad wod. Dem neva worship di wail animal ar di sitn we dem mek fi luk laik im an dem neva tek im maak pan dem farid ar pan dem an niida. Dem kom bak alaiv an ruul wid Krais Jiizas fi wan touzn ier.