Revilieshan 13:10 - Di Jamiekan Nyuu Testiment

¹⁰ Ef nobadi fi get lak op iina prizn, a dat a-go apm tu dem. Ef nobadi fi get kil wid di suod, dem a-go get kil wid di suod. Dat miin se Gad piipl dem mos tan op chrang an no mek notn tap dem fram chos iina Gad no mata wa apm.

Revilieshan 13:10 ပူးပေါင်းရင်းမြစ်များ

Matyu 26:52

Den Jiizas se tu im se, “Put op bak yu suod! Kaaz enibadi we tek op suod fait, a suod a-go kil dem.

Matyu 7:2

Kaaz di siem wie ou unu joj piipl, a so Gad a-go joj unu tu. Ef unu tek taim wid ada piipl, a so Gad a-go tek taim wid unu tu, bot ef unu redi fi rof dem op an rait dem aaf, a dat a-go riich unu tu.

Luuk 21:19

Uu tan op chrang fi mi no mata wa, wi siev dem laif.

Koloshan 1:11

An wi prie se Gad wi tek fi im powa an mek unu wel chrang, so unu kyan uol aan no mata wa, an no grombl grombl, bot a sing sang iina unu aat

Iibruu 6:12

Wi no waahn unu fi get liezi an no waahn du notn. Nuo! unu fi tan laik di piipl dem we biliiv iina Krais Jiizas. Dem no gi op, an so dem get wa Gad did pramis fi gi dem.

Revilieshan 1:9

Mi a Jan, unu breda an fren we a go chuu di siem sofarieshan we unu a go chuu. Aal a wi a-go tek paat iina Gad kindom, an siem laik unu, mi naa gi op — mi wi gwaan sofa til Gad kom bak. Kaaz mi priich Gad wod an tel piipl aal a di sitn dem we Jiizas shuo mi, dem put mi pan wan ailan niem Patmos.

Revilieshan 11:18

Di piipl dem we neva did a worship yu did wel beks wid yu; an di taim kom nou fi yu shuo dem se yu beks wid dem tu. An a taim nou fi yu joj di ded, an fi gi yu sorvant di prafit dem, an yu piipl an aal uu ana an rispek yu, weda dem big ar likl, wa dem dizorv. An a taim nou fi yu mash op di piipl dem we a mash op di ort.”

Revilieshan 14:12

So Gad piipl we du we im se afi tan op chrang an gwaan chos Jiizas.”

Revilieshan 16:6

kaaz dem kil yu piipl an yu prafit dem an mek fi dem blod ron, so yu gi dem blod fi jringk, an a dat dem dizorv.”

Revilieshan 17:11

Di wail animal we did de ya aredi, an ded nou, a-go ton king nomba iet. Im a did wan a di sevn king dem, bot Gad a-go don im.

Revilieshan 17:8

Di wail animal we yu did si, did alaiv wan taim bot im ded nou. Im a-go kom op outa di diip diip singk uol we na'av no batam, an Gad a-go don im. Aal a di piipl dem pan ort uufa niem no rait dong iina di buk bifuo di worl mek, dem a-go shak wen dem si di wail animal, kaaz im did de ya bifuo, bot im did ded, an im a-go kom bak alaiv. Da buk de av iin di niem a di piipl dem we riili a liv.

Revilieshan 2:19

“Mi nuo ou unu liv: unu lov wan aneda, tan op chrang fi wa unu biliiv, sorv wan aneda, an tan op chrang an no gi op wen unu did a go chuu nof chobl an kraasiz. Matarafak, unu a du nof muo nou dan wa unu yuus tu du wen unu did jos get siev.

Revilieshan 2:2

Mi nuo evriting bout unu. Mi nuo aal wa unu go chuu kaaz unu biliiv iina mi, an ou unu tan op chrang an no gi op wen chobl tek unu. Mi nuo se unu kyaahn tek di wikid piipl dem. Unu tes di wan dem we taak bout se dem a apasl wen dem a no no apasl, an fain out se dem a uol laiyad.

Revilieshan 3:10

Kaaz mi tel unu fi tan op chrang an no gi op wen chobl tek unu, an unu dwi'it, mi a-go kip unu sief iina da taim de wen torbl kraasiz an sofarieshan a-go kom pan di uol worl fi tes aal uu liv pan di ort.

Revilieshan 3:3

So memba di mesij we unu did ier an biliiv; du we it se, ton we fram unu sin. Ef unu no wiek op, mi a-go kom tu unu laik wan tiif, an unu naa go nuo di taim wen mi a-go kom gens unu.