Revilieshan 13:1 - Di Jamiekan Nyuu Testiment

¹ Wen mi luk mi si wan wail animal a kom outa di sii. It av ten aan an sevn ed, wid ten likl kroun pan im aan dem, an pan evri wan a im ed dem im av wan niem we se som torbl sitn bout Gad.

Revilieshan 13:1 ပူးပေါင်းရင်းမြစ်များ

Revilieshan 11:7

Wen dem don se aal wa Gad waahn dem fi se, di wail wail animal we kom op outa di diip diip pit we no av no batam gweehn atak dem, an biit dem an kil dem.

Revilieshan 12:3

Den mi si wan neks powaful sain iina evn: wan big big red jragan we av sevn ed an ten aan, an sevn kroun pan im ed dem.

Revilieshan 13:11

Den mi luk an si wan neda wail animal a kom op outa di ort. Im did av tuu aan laik we di Biebi Shiip av, bot im taak laik di jragan.

Revilieshan 13:14

Gad did lou di fos wail animal fi du som powaful sitn fi di sekan wail animal. Siek-a dem sitn de di piipl pan ort did get fuul op. Di sekan wail animal aada di piipl dem pan ort fi mek wan sitn we luk laik di wail animal we did get chap wid di suod bot we did stil liv.

Revilieshan 13:15

Gad lou di sekan wail animal fi get powa fi gi laif tu di sitn we luk laik di fos wail animal so dat it kuda taak, an kil enibadi we no waahn worship it.

Revilieshan 15:2

Mi si sitn we luk laik wan glaas sii miks wid faiya. An mi si di piipl dem we neva gi iin tu di wail animal ar worship di sitn we dem mek fi luk laik im, an we neva tek di nomba fi im niem. Dem did tan op saida di glaas sii, an iina dem an dem did av di aap dem we Gad gi.

Revilieshan 16:13

Den mi si chrii wikid spirit we luk laik bulfrag; wan kom outa di jragan mout, wan outa di wail animal mout an wan outa di laiyad prafit mout.

Revilieshan 17:16

Di wail animal an di ten aan dem we yu did si a-go iet di uor. Dem a-go mash ar op an lef ar niekid. Dem a-go nyam ar flesh an tek faiya bon ar op.

Revilieshan 17:3

Den di Spirit tek kanchuol a mi, an di ienjel kyari mi go iina wan plies we nobadi neva liv, an mi si wan uman sidong pan wan red red wail animal. Di wail animal did av wan uol iip a torbl niem rait op aal uova im we kos out Gad. An im av sevn ed an ten aan.

Revilieshan 17:5

Shi av wan niem rait pan ar farid we nobadi no nuo wa it miin. Di niem se: A MI A POWAFUL BABILAN. MI A DI MUMA FI AAL UOR AN FI AAL KAIN-A SEKS SIN AN NAASINIS IINA DI WORL.

Revilieshan 19:19

Den mi si di wail animal an di king dem fram aal uova di worl an dem aami dem gyada op fi mek waar gens di raida pan di aas an fi im aami.