Revilieshan 12:9 - Di Jamiekan Nyuu Testiment

⁹ Di powaful jragan — di uol siniek we did de bout fram wie bak wen, we dem kaal di devl, ar sietan, we chrik di uol worl fi sin gens Gad, im an im ienjel dem get fling dong a ort.

Revilieshan 12:9 ပူးပေါင်းရင်းမြစ်များ

Matyu 13:39

an di wan we plaant op di wiid dem, a di devl dat. Di taim we wi go pik, dat a taak bout di laas die, wen di worl don. An di wan dem we gyada op we did plaant op, a di ienjel dem.

Matyu 24:24

Kaaz piipl a-go kom kom se dem a di wan we Gad sen fi siev piipl, wen notn no go so. An som faalz prafit a-go shuo op tu. Dem piipl de a-go wok aal kain-a mirikl an shuo aal kain-a sain fi chrik op piipl, dong tu aal di piipl dem we Gad pik, di faalz prafit dem wi chrik op tu ef dem get di chaans.

Matyu 25:41

“Den di king a-go se tu aal uu de pan im lef-an-said se, ‘Gwe fram saida mi! Gwaan go bon op iina di faiya we a bliez fi eva an eva. A it Gad did fiks op fi di devl an im ienjel dem, bot im a sen unu go de tu!

Matyu 4:1

Den di Uoli Spirit tek Jiizas iina di dezot so di devl kuda chrai fi mek im du rang.

Matyu 4:10

Jiizas ansa bak, “Muuv an gu we fram mi Sietan! It rait dong se, ‘Yu fi worship di Laad we a yu Gad, an a im wan yu fi sorv.’”

Matyu 4:5

Afta dat, di devl tek Jiizas kyari im go Jeruusilem, di uoli siti. Im mek im go tan op pan di taalis paat a Gad ous,

Matyu 4:8

Den di devl kyari im go wan taal taal mountn an shuo im aal a di konchri dem iina di worl an shuo im ou dem luk gud an ting.

Luuk 10:18

Jiizas tel dem se, “Mi did si Sietan jrap outa evn laik ou laitnin flash iina di skai.

Luuk 13:16

Den dis uman, wan a Iebriyam gyal pikni, we Sietan bain op fi ietiin lang lang ier, so wa, shi no fi get frii pan di Sabat tu?”

Luuk 22:3

Den Sietan go iina Juudas, we dem kaal Iskyariyat, im a did wan a Jiizas Twelv apasl dem.

Luuk 22:31

“Saiman, Saiman, Sietan aks fi sib unu chuu chriena laik flowa.

Luuk 8:12

Di wan dem we jrap wich paat piipl waak, a piipl we ier di wod, an den di devl kom tek di wod outa dem aat, so dem wi no biliiv an get siev.

Jan 12:31

A di taim nou wen Gad gweehn joj di piipl dem we iina di worl; a nou di ruula fi da worl ya gweehn get fling out.

Jan 14:30

Mi naa go taak tu unu fi moch langga, kaa di ruula fi da worl ya de pan im wie a kom. Im no av no powa uova mi.

Jan 16:11

An dem rang bout ou Gad joj piipl, kaa di wan we ron tingz iina di worl, Gad rait im aaf aredi.

Jan 8:44

Unu bilang tu unu faada, di devl, an unu waahn fi du di sitn dem we unu faada waahn unu fi du. Im did a mordara fram di staat, an na'av notn fi du wid di chuut, kaa im no se ar av notn fi du wid di chuut. Wen im tel lai, im jos a taak ou im tan, kaa im a laiyad an im a di faada fi aal lai.

Aks 26:18

Mi a sen yu tu dem so yu kyan elp dem fi si an kom outa di daaknis an kom iina di lait. An mi a sen yu fi elp dem get frii fram Sietan powa an mek Gad ruul dem laif. Da wie de dem wi ton paat a Gad piipl uufa sin im paadn kaaz dem biliiv iina im.’

Aks 5:3

Den Piita aks im se, “Ananaiyas, ou kom yu mek Sietan tek kanchuol a yu an mek yu lai tu di Uoli Spirit? Yu kip bak som a di moni fi yuself, an kom a gwaan laik se yu a gi evriting?

Ruoman 16:18

Kaaz dem piipl de, dem naa sorv wi Laad Jiizas Krais, dem onggl a sorv demself. Dem a swiit-mout, dem yuuz aal kain-a fansi wod fi chrik an miks op di piipl dem we no nuo beta.

Ruoman 16:20

Suun, Gad we gi piipl piis iina dem aat, wi put Sietan anda yu fut an mash im op. Mi prie se di Laad Jiizas Krais wi shuo unu lov iivn duo wi no dizorv it.

2 Korintiyan 11:14

An mi no sopraiz se dem chrai fi du dat kaaz iivn sietan imself chrai fi chrik piipl an jres op imself laik wan a Gad ienjel wid wan brait lait roun im.

2 Korintiyan 11:3

Bot mi fried se, jos laik ou di siniek di chrik op Iiv, sumadi a-go chrik unu an kaaz unu fi ton we fram Krais Jiizas an tap fala im wid aal a unu aat.

2 Korintiyan 12:7

An fi tap mi fram get buosi bout di sitn dem we mi si, Gad lou wan a sietan ienjel dem fi komiin laik maka iina mi said. Da ienjel de aalwiez a kaaz mi pien so dat mi wi no get buosi.

2 Korintiyan 2:11

Wi fi paadn im so dat Sietan no win kaaz wi nuo se im eva a luk fi wan wie fi kaaz chobl an mek piipl ton we fram Gad.

2 Korintiyan 4:4

Dem no biliiv kaaz di devl we ruul da worl ya, blain dem so dat dem kyaahn si di lait. Im blain dem so dat dem kyaahn andastan di Gud Nyuuz bout Krais Jiizas. Im mek it so dat dem kyaahn andastan se Jiizas a jos laik Gad.

Ifiijan 4:14

Wen da taim de kom, wi naa go komiin laik likl pikni we iizi fi get fuul op. Wi naa go komiin laik wan likl buot we di sii pich aal bout, ar we briiz bluo aal uova di plies. No laiyad, jinal tiicha kyaahn kom chrik wi ar fuul wi op.

2 Tesaluoniyan 2:3

No mek nobadi fuul unu op non at aal. Kaaz da die de naa kom til wan taim kom wen uol iip a piipl a-go go gens Gad an no waahn av notn fi du wid im. An da die de naa kom til di Man we brok Gad Laa shuo op — di man we Gad boun fi tier dong an mash op iina el.

1 Timoti 2:14

An a no Adam di siniek did chrik, a Iiv an a shi du wa Gad se dem neva fi du.

2 Timoti 3:13

Bot di wikid piipl dem an di fraad dem a-go get fram bad tu wos. Dem a-go gwaan chrik piipl an lou demself fi get chrik tu.

Iibruu 2:14

So den, sins dem pikni ya a piipl laik evribadi els, im did ton sumadi jos laka dem, da wie de, wen im go ded, im kuda tek we di devl powa, an mek im naa no muo powa fi kil nobadi.

1 Piita 5:8

Wach out! Wiek op. Unu fi get unu main redi fi akshan. Klier unu ed an staat tingk chriet. Unu enimi — di devl, im a siniik roun laik wan wikid onggri-beli laiyan, a luk sumadi fi nyam.

1 Jan 5:19

Wi nuo se wi bilang tu Gad an dat di devl kanchuol di uol worl.

Juud 1:9

Bot no iivn Maikal, Gad ed ienjel, wen im an di devl did a aagyu bout Muoziz badi, im neva brait inof fi kos out di devl an kaal dong jojment pan im. Im jos tel im se, “Gad a-go put yu iina yu plies.”

Revilieshan 12:12

So evribadi iina evn, unu fi api! Bot aal uu liv pan di ort an piipl we de a sii, chobl fu'unu, kaaz di devl gaan dong tu unu! Im beks bad — beks til im tempa a bwail uova, kaaz im nuo se im taim shaat.”

Revilieshan 12:3

Den mi si wan neks powaful sain iina evn: wan big big red jragan we av sevn ed an ten aan, an sevn kroun pan im ed dem.

Revilieshan 12:7

Den waar brok out iina evn. Maikal an di ienjel dem we im liid fait gens di jragan, an di jragan an fi im ienjel dem fait bak.

Revilieshan 12:8

Bot di jragan did tuu wiik, so im kudn win an im kudn tan a evn.

Revilieshan 13:14

Gad did lou di fos wail animal fi du som powaful sitn fi di sekan wail animal. Siek-a dem sitn de di piipl pan ort did get fuul op. Di sekan wail animal aada di piipl dem pan ort fi mek wan sitn we luk laik di wail animal we did get chap wid di suod bot we did stil liv.

Revilieshan 16:14

Di spirit dem a diiman spirit we du som powaful sitn. Dem go out aal uova di worl go gyada op di king dem fi waar — di waar we a-go apm pan di big die wen Gad, we muo powaful dan evribadi, a-go joj piipl.

Revilieshan 18:2

Im shout out wid wan powaful vais: “Mash op! Babilan di powaful siti mash op! Shi ton wan yaad fi diiman, wan aid out fi evri wikid spirit, wan ruus fi evri kain-a doti bod.

Revilieshan 18:23

No muo lamp lait wi eva shain iina yu siti agen. No muo wedn wi eva apm iina yu siti agen. Yu did av di bes biznizman dem iina di worl. Yu yuuz yu uobiya fi chrik op aal a di piipl dem iina di worl.

Revilieshan 19:20

Bot di wail animal an di faalz prafit we did du di mirikl dem fi di wail animal get kyapcha. Di faalz prafit did yuuz di mirikl dem fi fuul op di piipl dem we did tek di maak a di wail animal an we worship di sitn we luk laik im. Di tuu a dem get fling dong iina di liek a faiya we a bon wid solfa.

Revilieshan 2:13

‘Mi nuo we unu liv. Unu liv we Sietan av im chuon bot unu stil biliiv iina mi. Unu neva ton we fram di chuut, iivn iina di taim wen dem kil mi sorvant, Antipas, iina di toun we Sietan ruul.

Revilieshan 2:24

Nou dis a wa mi a tel di res a unu we de a Taiyataira, unu we naa fala di laiyad sitn dem we Jezibel a tiich an we no nuo notn bout wa dem kaal di siikrit sitn dem we Sietan shuo dem — mi naa put no muo presha pan unu.

Revilieshan 2:9

Mi nuo bout aal a unu sofarieshan an ou unu puor — bot unu riili rich. An di piipl dem we se dem a Juu bot dem a no Juu, mi nuo ou dem a tel aal saat a lai an a chat bad bout unu. Dem a wan gruup a piipl we bilang tu Sietan.

Revilieshan 20:10

An di devl, we fuul dem op, get fling dong iina di siem liek a faiya we a bon wid solfa we di wail animal an di faalz prafit did get fling iina. Aal a dem a sofa wikid wikid die an nait fi eva an eva.

Revilieshan 20:8

an im a-go kom out an go fuul op di konchri dem aal uova di worl — dem kaal dem konchri ya Gag an Miegag. Im a go fi gyada dem op fi waar. Di wie dem so nof, dem komiin laik san a sii-said.

Revilieshan 3:9

Lisn! A gweehn mek di laiyad piipl dem we bilang tu Sietan choch, we se dem a Juu wen dem a no no Juu — a gweehn mek dem kom lidong a unu fut wid dem fies a grong an mek dem andastan se mi lov unu.

Revilieshan 9:1

Wen di fif ienjel bluo im chompit, mi si wan staar we did jrap pan di ort. Sumadi gi di staar di kii fi di tonel we liid tu di diip diip pit we no av no batam.

Revilieshan 9:20

Di res a di piipl dem we neva get kil fram di faiya, di sumuok, ar di solfa, stil neva ton we fram dem wikidnis. Dem neva tap worship diiman, an faalz gad we mek outa guol, silva, branz, stuon, an wud — faalz gad we kyaahn si ar ier ar waak.