Revilieshan 12:7 - Di Jamiekan Nyuu Testiment

⁷ Den waar brok out iina evn. Maikal an di ienjel dem we im liid fait gens di jragan, an di jragan an fi im ienjel dem fait bak.

Revilieshan 12:7 ပူးပေါင်းရင်းမြစ်များ

Matyu 13:41

Di Man we Gad Pik a-go sen out im ienjel dem, an dem a-go tek outa im kindom evriting we mek piipl du rang an aal a di rang-duwa dem.

Matyu 16:27

Kaaz di Man we Gad Pik a-go kom wid im ienjel dem an im a-go av powa we kom fram im Faada. Im a-go gi evribadi wa dem fi get bies pan di sitn dem we dem du.

Matyu 24:31

Im wi sen im ienjel dem fi kom bluo di chompit loud loud, an dem gweehn gyada op di piipl dem we im pik fram naat, sout, iis an wes, fram aal uova di worl.

Matyu 25:41

“Den di king a-go se tu aal uu de pan im lef-an-said se, ‘Gwe fram saida mi! Gwaan go bon op iina di faiya we a bliez fi eva an eva. A it Gad did fiks op fi di devl an im ienjel dem, bot im a sen unu go de tu!

Matyu 26:53

Ar a tingk unu tingk se mi kyaahn kaal pan mi Faada? An im wudn sen wan bag a ienjel kom elp mi rait ya nou — muo dan twelv big gruup a dem.

2 Korintiyan 12:7

An fi tap mi fram get buosi bout di sitn dem we mi si, Gad lou wan a sietan ienjel dem fi komiin laik maka iina mi said. Da ienjel de aalwiez a kaaz mi pien so dat mi wi no get buosi.

Ifiijan 6:12

Kaaz wi iina wan fait, bot a no naamal sumadi wi a fait gens. Nuo! Wi a fait gens som wikid spirit iina di skai we av di powa an di rait fi ruul iina da taim ya we daak laik nait.

2 Tesaluoniyan 1:7

An unu we a sofa, im a-go mek di sofarieshan tap wen di Laad Jiizas kom fram evn an shuo imself. Da taim de aal a wi a-go get fi res, wi naa go sofa no muo. Jiizas a-go kom fram evn wid im powaful ienjel dem,

Iibruu 2:10

Evriting a Gad uon, an im yuuz im powa mek evriting an kip dem ou dem fi tan. So a di rait ting im du wen im mek di wan we a-go liid piipl fi get siev, sofa, an da wie de get fi im rait pozishan. Gad du dat so im kuda yuuz im fi mek uol iip a piipl kom fala im an ton Gad pikni dem.

2 Piita 2:4

Kaaz ef Gad neehn iivn spier di ienjel dem we did sin, bot did chuo dem chriet dong a el we dem chien op iina daaknis a wiet til jojment kom,

Juud 1:9

Bot no iivn Maikal, Gad ed ienjel, wen im an di devl did a aagyu bout Muoziz badi, im neva brait inof fi kos out di devl an kaal dong jojment pan im. Im jos tel im se, “Gad a-go put yu iina yu plies.”

Revilieshan 12:8

Bot di jragan did tuu wiik, so im kudn win an im kudn tan a evn.

Revilieshan 12:9

Di powaful jragan — di uol siniek we did de bout fram wie bak wen, we dem kaal di devl, ar sietan, we chrik di uol worl fi sin gens Gad, im an im ienjel dem get fling dong a ort.

Revilieshan 13:7

An di wail animal get powa fi mek waar gens Gad piipl dem an fi win dem. An im get powa uova evri chraib, piipl, dem langwij an dem konchri.

Revilieshan 20:2

Im kyapcha di jragan — di siniek we de bout fram wie bak wen, dat a di devl an Sietan — an tai im op fi wan touzn ier.