Revilieshan 12:4 - Di Jamiekan Nyuu Testiment

⁴ Im yuuz im tiel an jrag dong wan outa evri chrii staar we iina di skai an fling dem dong a ort. Di jragan tan op infronta di uman we did bout fi av ar biebi, so dat im kuda nyam aaf ar pikni az im baan.

Revilieshan 12:4 ပူးပေါင်းရင်းမြစ်များ

Jan 8:44

Unu bilang tu unu faada, di devl, an unu waahn fi du di sitn dem we unu faada waahn unu fi du. Im did a mordara fram di staat, an na'av notn fi du wid di chuut, kaa im no se ar av notn fi du wid di chuut. Wen im tel lai, im jos a taak ou im tan, kaa im a laiyad an im a di faada fi aal lai.

1 Piita 5:8

Wach out! Wiek op. Unu fi get unu main redi fi akshan. Klier unu ed an staat tingk chriet. Unu enimi — di devl, im a siniik roun laik wan wikid onggri-beli laiyan, a luk sumadi fi nyam.

Revilieshan 12:7

Den waar brok out iina evn. Maikal an di ienjel dem we im liid fait gens di jragan, an di jragan an fi im ienjel dem fait bak.

Revilieshan 12:9

Di powaful jragan — di uol siniek we did de bout fram wie bak wen, we dem kaal di devl, ar sietan, we chrik di uol worl fi sin gens Gad, im an im ienjel dem get fling dong a ort.

Revilieshan 13:2

Di wail animal we mi si luk laik wan taiga, bot im paa dem luk laik fi wan bier, an im mout luk big an powaful laik wan laiyan mout. Di jragan gi di wail animal di siem powa laik wa im av an mek im ruul pan im chuon wid nof nof powa.

Revilieshan 13:4

an aal a di piipl dem worship di jragan tu, kaaz im did gi di wail animal powa, an dem worship di wail animal a se, “Nobadi no powaful laik di wail animal? An nobadi kyan mek waar gens im?”

Revilieshan 16:13

Den mi si chrii wikid spirit we luk laik bulfrag; wan kom outa di jragan mout, wan outa di wail animal mout an wan outa di laiyad prafit mout.

Revilieshan 17:18

Di uman we yu si a di powaful siti. Fi ar king ruul uova aal a di ada king dem iina di worl.”

Revilieshan 20:2

Im kyapcha di jragan — di siniek we de bout fram wie bak wen, dat a di devl an Sietan — an tai im op fi wan touzn ier.

Revilieshan 8:10

Wen di tord ienjel bluo fi im chompit, wan big staar we did a bon laik faiya jrap fram di skai. An ef yu plit op di riva waata dem an di spring waata dem iina chrii paat, di staar did jrap pan wan paat a dem.

Revilieshan 8:11

Di staar did niem wormwud. So wan outa chrii paat a di waata did ton bita. So it did kil aaf uol iip a piipl we did jringk it.

Revilieshan 8:12

Wen di fuot ienjel bluo fi im chompit, sitn lik di son, an di muun an di staar dem. An ef yu plit dem op iina chrii paat, wan paat a dem ton daak. An ef yu plit op di die an di nait dem iina chrii paat, wan paat a dem neehn av no lait.

Revilieshan 8:7

Di fos ienjel bluo im chompit, an iel an faiya miks op wid blod get fling dong fram di skai pan di ort an wan outa di chrii paat a di ort get bon op. Wan outa evri chrii a di chrii dem we did a gruo an aal a di griin graas get bon op tu.

Revilieshan 8:8

Wen di sekan ienjel bluo fi im chompit, sitn laik wan big mountn we kech a faiya get fling dong iina di sii. An ef yu plit op di sii iina chrii paat, wan outa di chrii paat dem did ton iina blod.

Revilieshan 8:9

An wan outa evri chrii sitn we did liv iina di sii ded aaf, an wan outa evri chrii ship we did de pan di sii get mash op.

Revilieshan 9:10

Dem av tiel an dem av sting, laik we skaapiyan av. An dem av powa iina dem tiel fi mek piipl sofa fi faiv mont.

Revilieshan 9:19

An di aas dem powa did iina dem mout an iina dem tiel. An dem tiel komiin laik siniek wid ed we dem yuuz fi bait piipl.