Revilieshan 12:2 - Di Jamiekan Nyuu Testiment

² Di uman did av biebi iina beli. An shi did a chogl fi push out ar Biebi. An shi baal out wen biebi pien laik ar.

Revilieshan 12:2 ပူးပေါင်းရင်းမြစ်များ

Matyu 24:8

Aal a dem sitn ya a jos di fos set a lieba pien we unu a-go fiil wen di nyuu worl a baan.

Jan 16:21

Wen wan uman a av pikni shi iina uol iip a pien, kaa di taim fi shi av pikni kom. Bot wen shi av ar pikni, shi no memba di pien agen siek-a ou shi glad se sumadi baan kom iina di worl.

Gyalieshan 4:19

Mi pikni we mi lov, jos laik ou mada go chuu nof pien wen dem a av biebi — a siem so mi a fiil pien fi unu. An mi naa go tap fiil pien til unu an Jiizas a wan, an unu staat fi biyiev laik im.

Gyalieshan 4:27

Kaaz it rait dong iina Gad wod se: “Uman we kyaahn av biebi we naa no pikni — a unu fi a sing priez; Yu we neva fiil biebi pien yet — jomp op an sing an shout; kaaz di uman we naa nobadi — shi a-go av muor pikni dan di uman we av ozban.”

Revilieshan 12:4

Im yuuz im tiel an jrag dong wan outa evri chrii staar we iina di skai an fling dem dong a ort. Di jragan tan op infronta di uman we did bout fi av ar biebi, so dat im kuda nyam aaf ar pikni az im baan.