Revilieshan 12:17 - Di Jamiekan Nyuu Testiment

¹⁷ Den di jragan get beks wid di uman — beks til im tempa a bwail uova. So im go we fi go mek waar gens ar ada pikni dem — di wan dem we du we Gad se dem fi du, an we biliiv evriting bout Jiizas.

Revilieshan 12:17 ပူးပေါင်းရင်းမြစ်များ

Revilieshan 14:12

So Gad piipl we du we im se afi tan op chrang an gwaan chos Jiizas.”

Revilieshan 19:10

Wen mi ier dis, mi jrap pan mi nii a im fut fi worship im. Bot im se tu mi se, “No, yu kyaahn du dat! Mi sorv Gad jos laik yu an yu breda an sista dem we biliiv evriting we Jiizas tiich. So a Gad yu fi worship, kaaz di chuu sitn dem we nobadi neva nuo an we Jiizas shuo wi, a dat lou piipl fi pred Gad mesij!”

Revilieshan 11:7

Wen dem don se aal wa Gad waahn dem fi se, di wail wail animal we kom op outa di diip diip pit we no av no batam gweehn atak dem, an biit dem an kil dem.

Revilieshan 6:9

Wen im brok di fif chring, mi si anda di alta di suol a di piipl dem we did get kil kaaz dem biliiv Gad wod an kaaz dem tel piipl bout Gad.

Revilieshan 1:2

An Jan rait dong evriting wa im did si an ier. Im rait dong aal a di mesij dem we Gad sen im, an evriting we Jiizas Krais shuo im.

Revilieshan 13:7

An di wail animal get powa fi mek waar gens Gad piipl dem an fi win dem. An im get powa uova evri chraib, piipl, dem langwij an dem konchri.

Jan 8:44

Unu bilang tu unu faada, di devl, an unu waahn fi du di sitn dem we unu faada waahn unu fi du. Im did a mordara fram di staat, an na'av notn fi du wid di chuut, kaa im no se ar av notn fi du wid di chuut. Wen im tel lai, im jos a taak ou im tan, kaa im a laiyad an im a di faada fi aal lai.

Revilieshan 17:14

Dem a-go mek waar gens di Biebi Shiip, bot di Biebi Shiip a-go biit dem kaaz im a Laad uova aal laad an King uova evri king — im a-go av im speshal piipl dem wid im, we im kaal, pik, an we du we im se.”

Revilieshan 1:9

Mi a Jan, unu breda an fren we a go chuu di siem sofarieshan we unu a go chuu. Aal a wi a-go tek paat iina Gad kindom, an siem laik unu, mi naa gi op — mi wi gwaan sofa til Gad kom bak. Kaaz mi priich Gad wod an tel piipl aal a di sitn dem we Jiizas shuo mi, dem put mi pan wan ailan niem Patmos.

1 Jan 5:10

Enibadi we biliiv iina Gad pikni nuo iina dem aat se wa Gad se a chuu. Bot enibadi we no biliiv Gad, tek im fi wan laiyad, kaaz dem no biliiv we Gad se bout im pikni.

1 Jan 5:2

Dis a ou wi a-go nuo se wi lov Gad pikni dem, wen wi lov Gad an du wa im tel wi fi du.

1 Jan 2:3

Wen wi du we Gad se wi fi du, a so wi nuo se wi riili riili nuo Gad.

Revilieshan 22:14

“Di wan dem we wash dem lang jakit a dem api, kaaz a dem a-go get di rait fi go iina di siti an fi iit fruut fram di chrii we gi laif.

Revilieshan 20:4

Den mi si som chuon an di wan dem we did get powa fi ruul did sidong pan dem. An mi si di spirit fi di piipl dem uufa ed did get chap aaf kaaz dem biliiv iina Jiizas an tan op chrang fi im an fi Gad wod. Dem neva worship di wail animal ar di sitn we dem mek fi luk laik im an dem neva tek im maak pan dem farid ar pan dem an niida. Dem kom bak alaiv an ruul wid Krais Jiizas fi wan touzn ier.

Revilieshan 19:19

Den mi si di wail animal an di king dem fram aal uova di worl an dem aami dem gyada op fi mek waar gens di raida pan di aas an fi im aami.

Revilieshan 18:20

Evribadi iina evn, unu fi api siek-a wa apm tu ar! Aal a Gad piipl, im apasl an prafit, unu fi api! Kaaz Gad joj ar an ponish ar fi aal wa shi du unu.’ ”

Revilieshan 17:6

Mi si se di uman did jongk. Shi did jringk an get jongk wid Gad piipl dem blod — di wan dem we dem did kil. Dem kil dem kaaz dem did tan op chrang fi wa dem biliiv bout Jiizas. Wen mi si ar, mi fraitn so til.

1 Korintiyan 2:1

Breda an sista, wen mi did kom priich Gad chuu mesij tu unu, we nobadi neva ier bifuo, mi neva yuuz no big wod ar chrai fi soun waiz.

1 Piita 5:8

Wach out! Wiek op. Unu fi get unu main redi fi akshan. Klier unu ed an staat tingk chriet. Unu enimi — di devl, im a siniik roun laik wan wikid onggri-beli laiyan, a luk sumadi fi nyam.

Matyu 28:20

Gwaan go tiich dem fi lisn an fala aal a di ruul dem we mi gu'unu. An memba, mi no lef unu non at aal, mi de wich paat unu de til taim don.”

Revilieshan 12:16

Bot di grong uopm op an tek iin di flod waata we di jragan pit outa im mout.