Revilieshan 11:8 - Di Jamiekan Nyuu Testiment

⁸ Dem badi a-go get lef pan di ed ruod a di big big siti we evribadi nuo, di toun we dem kaal Sadam ar Iijip. It kaal Sadam ar Iijip kaaz a de dem did kil dem Laad pan di kraas.

Revilieshan 11:8 ပူးပေါင်းရင်းမြစ်များ

Matyu 10:15

Mi naa lai, pan jojment die, di ponishment we Sadam an Gomaro a-go get a-go iiziya dan da toun de.

Aks 9:4

Im jrap a grong an ier sumadi se tu im se, “Saal, Saal, wa mek yu a mek mi sofa?

Iibruu 13:12

A siem ting riich Jiizas. Im did sofa outsaida di kyamp tu, jos fi mek di piipl dem kliin fram sin wen im yuuz fi im uona blod.

Iibruu 6:6

an den afta aal a dat ton dem bak pan Gad, notn kyaahn mek dem piipl de kom bak tu Gad agen. Kaaz a niel dem a niel Gad Bwai Pikni pan di kraas wan muo taim, an mek piipl a luk dong pan im an tek im fi fuul.

2 Piita 2:6

an ef im fling jojment pan tuu siti, Sadam an Gomaro an bon dem dong a grong, an yuuz dem fi waan piipl an mek dem si a wa a-go riich piipl we no bizniz wid im an we no lisn im,

Juud 1:7

A siem so Sadam an Gomaro an di piipl dem we liv nier dem tek paat iina aal kain-a seks sin an ron aafa aal kain-a naasinis. Gad bon dem op wid faiya we a-go bon fi eva an eva mek evribadi si wa wi apm ef dem fala dem wikid piipl de.

Revilieshan 11:13

Siem taim wan torbl ortkwiek apm an ef yu plit op di siti iina ten paat, wan paat mash op. Di ortkwiek kil aaf sevn touzn piipl. An di res a piipl dem kech dem fried an staat gi priez tu di Gad we de a evn.

Revilieshan 11:9

Fi chrii an a aaf die piipl gweehn luk pan dem ded badi a lai dong iina di ruod. Piipl fram evri chraib, evri konchri an piipl we taak aal saat a langwij a-go luk pan dem, kaaz dem naa go mek nobadi beri dem.

Revilieshan 14:20

Dem get tep op tep op pan iina di wain pit we de outsaida di siti, an blod ron outa di wain pit laik wan riva, bout faiv fut diip an 184 mail lang.

Revilieshan 14:8

Den mi si wan sekan ienjel iina di skai an mi ier im kaal out se, “Mash op! Babilan di powaful siti mash op! Shi mek aal a di konchri dem iina di worl jringk di wain we mek dem du aal kain-a seks sin laik ar.”

Revilieshan 16:19

Di ortkwiek plit op di powaful siti iina chrii paat, an aal a di siti iina aal di konchri dem iina di worl mash op. Gad memba Babilan, di powaful siti. Im joj ar, an fuos ar fi jringk di wain we did iina di kop we shuo se Gad did wel beks.

Revilieshan 17:1

Wan a di sevn ienjel dem we av di sevn boul dem kom an se tu mi se, “Kum ya! Mek a shuo yu ou Gad a-go joj an ponish di powaful an wikid uor — dat a di siti we bil op saida uol iip a waata,

Revilieshan 17:18

Di uman we yu si a di powaful siti. Fi ar king ruul uova aal a di ada king dem iina di worl.”

Revilieshan 17:5

Shi av wan niem rait pan ar farid we nobadi no nuo wa it miin. Di niem se: A MI A POWAFUL BABILAN. MI A DI MUMA FI AAL UOR AN FI AAL KAIN-A SEKS SIN AN NAASINIS IINA DI WORL.

Revilieshan 18:10

Dem wi stie faar fram ar kaaz dem fried se wa a apm tu ar mait-a riich dem tu. An dem a-go baal an se, “ ‘Woi! Woi! Luk pan di big big siti! Luk wa apm tu Babilan di powaful siti! Iina wan owa Gad joj yu an di uol siti mash op!’

Revilieshan 18:18

Wen dem si di sumuok we a kom fram di faiya we a bon ar op, dem baal out, ‘No siti eva powaful laik da wan ya?’

Revilieshan 18:2

Im shout out wid wan powaful vais: “Mash op! Babilan di powaful siti mash op! Shi ton wan yaad fi diiman, wan aid out fi evri wikid spirit, wan ruus fi evri kain-a doti bod.

Revilieshan 18:21

Den wan powaful ienjel pik op wan big big rakstuon we komiin laik di stuon we dem yuus fi grain grien. Im fling it iina di sii an se: “Siem laik ou da rakstuon ya get fling iina di sii aad aad, a siem so Babilan di powaful siti a-go get lik dong aad aad, an nobadi naa go kyan fain ar.

Revilieshan 18:24

Gad ponish Babilan kaaz shi did kil im piipl an im prafit dem, an aal di piipl we get kil aal uova di worl, a Babilan kil dem.”