Revilieshan 11:3 - Di Jamiekan Nyuu Testiment

³ An mi a-go gi mi tuu sorvant dem powa fi priich mi mesij fi wan touzn, tuu onjrid an siksti die. Dem a-go av aan som rof kluoz fi shuo se dem wel sad an dem aat a baal out fi di piipl dem.”

Revilieshan 11:3 ပူးပေါင်းရင်းမြစ်များ

Matyu 11:21

Im se, “Chobl fi yu, Korazin! Chobl fi yu Betsieda! Ef di piipl dem we liv iina Taiya an Saidan did si di mirikl dem we unu si mi du mongks unu, dem wuda sari fi dem rang an chienj dem wiez lang taim. Dem wuda put ashiz pan demself an wier krokos bag fi shuo se dem miin it.

Matyu 18:16

Bot ef dem naa pie unu no main, den unu fi kyari wan ar tuu ada piipl go bak wid unu. Da wie de nou, tuu ar chrii piipl wi de de fi si we gwaan an fi pruuv wa unu se.

Luuk 10:13

“Chobl fi yu, Korazin! Chobl fi yu Betsieda! Ef di piipl we liv iina Taiya an Saidan did si di mirikl dem we unu si mi du mongks unu, dem wuda sari fi dem rang an chienj dem wiez lang taim. Dem wuda sidong iina ashiz an wier krokos bag fi shuo se dem miin it.

Luuk 24:48

Unu mos tel piipl bout evriting we apm.

Jan 15:27

An unu fi tel piipl bout mi tu, kaa unu did de wid mi fram di staat.

Jan 3:27

Bot Jan se tu dem se, “Sumadi kyan onggl av wa Gad gi dem.

Aks 1:8

Bot di Uoli Spirit a-go kom pan unu an ful unu op wid powa an unu wi tel piipl iina Jeruusilem, Judiya, Samieriya an aal uova di worl bout mi.”

Aks 13:31

an difrant difrant taim fi kopl die wel Jiizas shuo imself tu di piipl dem we did kom wid im fram Gyalalii tu Jeruusilem. A dem siem piipl de a tel piipl bout im nou.

Aks 2:32

Gad did mek da siem Jiizas de kom bak alaiv, an di uol a wi did si wid wi uona yai.

Aks 3:15

Unu kil di wan we gi piipl riil laif, bot Gad mek im kom bak alaiv. An wi si aal a dat wid wi uona yai.

1 Korintiyan 12:28

Evribadi av wan plies iina Gad choch. A di tap tap pozishan yu av di apasl dem. Afta dat yu av di prafit dem, den di tiicha dem, di piipl dem we wok mirikl an piipl we mek sik piipl get beta. Afta dem de piipl de, yu av di piipl dem we lov fi elp ada piipl, den di wan dem we elp fi kip di choch iina aada an afta dem yu av di piipl we taak iina tongz.

2 Korintiyan 13:1

Da taim ya wen mi kom, dat a-go mek chrii taim mi kom luk fi unu. An siem laik ou it rait dong iina Gad wod se, “Ef sumadi du sopm rang, wi kyaahn jos ponish dem, tuu ar chrii sumadi we si wa apm, afi kom taak we dem si an pruuv se da sumadi de did du rang. Afta dat wi kyan ponish dem.”

Ifiijan 4:11

A im siem wan tek som a im piipl dem mek dem ton apasl. Im mek som ton prafit an im sen som fi go roun an priich di gud nyuuz. Im mek som ton paasn an tiicha.

Revilieshan 1:5

An mi prie se Jiizas Krais, di wan we aalwiez taak di chuut bout Gad, wi gud an kain tu unu an gi unu piis iina unu aat. Im a di fos wan fi ded an kom bak alaiv, an a im ruul uova aal a di king dem we de pan ort. Jiizas a di wan we lov wi an a im frii wi fram wi sin dem wid im blod wen im ded pan di kraas.

Revilieshan 11:2

Bot no meja out iina di yaad we mi ous de, kaaz mi gi da paat de tu di piipl dem we a no Juu. Dem a-go tek kanchuol a di uoli siti an ruul it fi faati-tuu mont.

Revilieshan 11:6

Gad gi dem tuu man de powa fi shot op di skai so no rien kyaahn faal di uol taim dem de de a priich im mesij bout wa a-go apm. An im gi dem powa tu fi ton waata iina blod an fi lik di ort wid aal kain-a sofarieshan enitaim dem waahn.

Revilieshan 12:6

Di uman ron we go a wan plies we Gad set op fi ar, faar faar we nobadi no liv. A de-so shi a-go get luk aafa fi wan touzn, tuu onjrid an siksti die.

Revilieshan 13:5

Sumadi gi di wail animal vais fi taak som wikid an torbl sitn gens Gad an fi shuo aaf im powa fi faati-tuu mont.

Revilieshan 19:10

Wen mi ier dis, mi jrap pan mi nii a im fut fi worship im. Bot im se tu mi se, “No, yu kyaahn du dat! Mi sorv Gad jos laik yu an yu breda an sista dem we biliiv evriting we Jiizas tiich. So a Gad yu fi worship, kaaz di chuu sitn dem we nobadi neva nuo an we Jiizas shuo wi, a dat lou piipl fi pred Gad mesij!”

Revilieshan 20:4

Den mi si som chuon an di wan dem we did get powa fi ruul did sidong pan dem. An mi si di spirit fi di piipl dem uufa ed did get chap aaf kaaz dem biliiv iina Jiizas an tan op chrang fi im an fi Gad wod. Dem neva worship di wail animal ar di sitn we dem mek fi luk laik im an dem neva tek im maak pan dem farid ar pan dem an niida. Dem kom bak alaiv an ruul wid Krais Jiizas fi wan touzn ier.