Revilieshan 10:6 - Di Jamiekan Nyuu Testiment

⁶ An im mek da pramis ya pan di Laad — di Laad we liv fi eva an eva, di Laad we mek evn an evriting we op de, di Laad we mek di ort an evriting pan it, an di Laad we mek di sii an evriting wa iin de, im se, “Dis ya naa go wiet no langga!

Revilieshan 10:6 ပူးပေါင်းရင်းမြစ်များ

Revilieshan 1:18

Mi alaiv! Mi did ded wan taim, bot luk, nou mi a liv fi eva! Mi av di kii an di powa fi uopm ar lak op di plies we di ded piipl dem de, an mi kyan mek dem kom bak alaiv.

Revilieshan 12:12

So evribadi iina evn, unu fi api! Bot aal uu liv pan di ort an piipl we de a sii, chobl fu'unu, kaaz di devl gaan dong tu unu! Im beks bad — beks til im tempa a bwail uova, kaaz im nuo se im taim shaat.”

Revilieshan 16:17

Ienjel nomba sevn pich out wa iina fi im boul iina di ier, an wan loud vais kom fram Gad chuon we iina Gad ous, it se, “It don.”

Revilieshan 21:6

Im se tu mi se, “Evriting don nou. Mi a di fos an mi a di laas. Evriting staat wid mi an evriting don wid mi. Aal uufa chuot jrai, mi a-go gi dem waata fi jringk — waata fram di spring we gi laif, an mi a-go gi dem it frii.

Revilieshan 4:10

di twenti-fuo elda dem fling dong demself a di fut a di wan we sidong pan di chuon, an gi priez tu di wan we liv fi eva an eva. Dem pudong dem kroun infronta di chuon an se:

Revilieshan 4:11

“Ana an rispek tu yu, wi Laad an wi Gad, yu fi get priez an ana an powa, kaaz yu mek evriting. Yu mek dem kaaz yu did waahn fi mek dem. An dem de ya kaaz yu waahn dem fi de ya.”

Revilieshan 4:9

Enitaim di sopm dem gi priez, ana an tangks tu di wan we sidong pan di chuon an we liv fi eva an eva,

Revilieshan 6:11

Den evri wan a dem get wan lang wait jakit we kech dem klier dong a dem fut, an sumadi tel dem se dem fi wiet likl langga til di res a Gad piipl dem we fi get kil laik dem, get kil.