Revilieshan 10:3 - Di Jamiekan Nyuu Testiment

³ Den im baal out wid wan loud vais laik wen wan laiyan ruor. Wen im baal out mi ier sevn tonda ruol.

Revilieshan 10:3 ပူးပေါင်းရင်းမြစ်များ

Revilieshan 4:5

Laitnin flash an mi ier som naiz an tonda klap an aal a dat did a kom fram di chuon. Mi si sevn taach a bliez infronta di chuon. Dem sevn taach de a Gad Uoli Spirit.

Revilieshan 15:1

Mi si wan neda big an impuotant sain iina evn: di sevn ienjel dem we av di laas sevn torbl sitn dem we kaaz wikid sofarieshan — afta aal dem sitn ya don, Gad naa go beks no muo kaaz im don joj di piipl dem.

Revilieshan 14:2

An mi ier wan vais fram evn we soun laik wen wan powaful riva kom dong, an laik wen loud tonda ruol. Di soun did komiin laik wa yu ier wen piipl a plie dem aap.

Revilieshan 8:5

Den di ienjel tek di guol pan we uol di swiit spais we dem bon, ful it op wid faiya fram di alta, an fling it pan di ort. An som torbl tonda ruol, an laitnin flash, an di ort shiek op.

Revilieshan 15:7

Den wan a di fuo wail animal dem gi di sevn ienjel dem sevn guol boul ful-a di wain we shuo se Gad wel beks — Gad we liv fi eva an eva.