Revilieshan 10:1 - Di Jamiekan Nyuu Testiment

¹ Den mi si wan neda powaful ienjel a kom dong fram evn. An im did av wan kloud rap roun im laik kluoz, an wan rienbuo uova im ed. An im fies shain brait laik di son. An im fut dem komiin laik som kalom we mek outa faiya.

Revilieshan 10:1 ပူးပေါင်းရင်းမြစ်များ

Matyu 17:2

Aal av a sodn Jiizas staat fi chienj rait infronta dem. Im fies staat shain laik di son an im kluoz ton wait wait laik lait.

Luuk 21:27

Den dem a-go si di Man we Gad Pik a kom iina wan kloud an im a-go av powa an wan brait brait lait a shain roun im.

Aks 26:13

Bot yu ana, bout twelv aklak wen mi did de pan mi wie, mi si wan brait brait lait fram evn, braita dan di son kom uova mi an uova di man dem we did de de wid mi.

Revilieshan 1:7

Luk de! Im a kom iina di kloud, an evri yai a-go si im, iivn di wan dem we mek dem kil im wid di suod; an aal di piipl dem pan ort a-go baal siek-a im. A so it a-go go! Iemen.

Revilieshan 18:1

Afta dis, mi si wan neks ienjel kom dong fram evn. Im av nof powa, an im brait lait lait op di ort.

Revilieshan 18:21

Den wan powaful ienjel pik op wan big big rakstuon we komiin laik di stuon we dem yuus fi grain grien. Im fling it iina di sii an se: “Siem laik ou da rakstuon ya get fling iina di sii aad aad, a siem so Babilan di powaful siti a-go get lik dong aad aad, an nobadi naa go kyan fain ar.

Revilieshan 20:1

An mi did si wan ienjel kom dong outa evn, im av di kii fi di pit we no av no batam an im av wan big big chien iina im an.

Revilieshan 4:3

An di sumadi pan di chuon luk laik di red an griin lait we kom fram som dier stuon we niem jaspa an kaanieliyan. An a bier brait lait laik rienbuo sorkl roun di chuon.

Revilieshan 5:2

An mi si wan powaful ienjel a shout out iina wan loud vais se, “Uu gud inof fi kot di chring dem an uopm di ruol op buk?”

Revilieshan 8:13

Wail mi did a wach, mi ier wan iigl we did a flai ai iina di skai a kaal out iina wan loud vais se: “Chobl fu'unu! Chobl fu'unu! Chobl fi evribadi we liv pan di ort, siek-a wa gweehn apm wen di neks chrii ienjel dem bluo fi dem chompit, an dem a get redi fi bluo dem!”