Revilieshan 1:8 - Di Jamiekan Nyuu Testiment

⁸ Di Laad Gad se, “A mi staat evriting an evriting don wid mi. Mi a di wan we alaiv, di wan we de bout fram wie bak wen, an di wan we a-go kom baka ort. A mi a di wan we av aal a di powa.”

Revilieshan 1:8 ပူးပေါင်းရင်းမြစ်များ

2 Korintiyan 6:18

Mi wi bi unu faada, an unu wi bi mi bwai an gyal pikni dem.” Dat a wa di Laad we muor powaful dan evri an eniting se.

Revilieshan 1:11

Di vais se tu mi se, “Rait dong dem sitn ya we yu si iina wan buk an sen it go a di sevn choch dem: sen it go a Efisos, Simorna, Porgamom, Taiyataira, Saadis, Filidelfiya an Leyodiisiya.”

Revilieshan 1:17

Wen mi si di man, mi fling dong miself a im fut an no muuv — laik se mi ded. Den im chrech out im rait an, an toch mi an se tu mi se, “No bada fried. Mi a di fos an mi a di laas — evriting staat wid mi, an evriting don wid mi.

Revilieshan 1:4

Dis a Jan. Mi a rait da leta ya tu di sevn choch dem we de iina Iezha. Mi a prie se Gad, di wan we alaiv, di wan we de bout fram wie bak wen, an di wan we a-go kom baka ort, an im Uoli Spirit we de infronta im chuon, wi gud an kain tu unu an gi unu piis iina unu aat.

Revilieshan 11:17

Dem se: “Laad Gad, yu we av aal di powa, wi gi yu tangks. Yu a di wan we alaiv, an di wan we de bout fram wie bak wen. Wi tangk yu se yu a shuo yu powa an ruul uova di uol worl.

Revilieshan 15:3

An dem did a sing di sang we Muoziz, Gad sorvant, sing an di sang wa di Biebi Shiip sing: “Laad Gad yu powaful an evriting wa yu du powaful. Yu a King fi aal a di konchri dem iina di worl, an evriting wa yu du an se a chuu.

Revilieshan 16:14

Di spirit dem a diiman spirit we du som powaful sitn. Dem go out aal uova di worl go gyada op di king dem fi waar — di waar we a-go apm pan di big die wen Gad, we muo powaful dan evribadi, a-go joj piipl.

Revilieshan 16:7

Den mi ier wan vais fram di alta se: “Yes, Laad Gad, nobadi no powaful laik yu, yu joj piipl ou dem fi get joj an gi dem wa dem dizorv!”

Revilieshan 19:15

Wan shaap suod kom outa im mout we im a-go yuuz fi waar gens di piipl dem iina di worl an ponish dem. “Im a-go ruul dem wid wan aiyan paip.” An im a-go tep op, tep op pan dem an mash dem out laik wen piipl a mash out griep wid dem fut. Im a-go du dem da wie de fi mek dem si se Gad we av aal di powa, wel mad wid dem.

Revilieshan 19:6

Den mi ier sopm laik wan big big kroud a piipl a shout, dem vais soun loud laik di naiz fram wan big big waatafaal, an laik wen torbl tonda a ruol, dem shout out: “Aliluuya! Kaaz fi wi Laad, di powaful Gad, a im ron tingz.

Revilieshan 2:8

“Rait da leta ya go gi di liida fi di choch we iina Simorna an tel im se: Di Laad Gad se: Mi a di fos an mi a di laas — evriting staat wid mi, an evriting don wid mi. Mi a di wan we alaiv, di wan we de bout fram wie bak wen, an di wan we a-go kom baka ort.”

Revilieshan 21:22

Mi neehn si Gad ous iina di siti, kaaz di Laad Gad we nobadi no powaful laik an di Biebi Shiip, a dem a Gad ous.

Revilieshan 21:6

Im se tu mi se, “Evriting don nou. Mi a di fos an mi a di laas. Evriting staat wid mi an evriting don wid mi. Aal uufa chuot jrai, mi a-go gi dem waata fi jringk — waata fram di spring we gi laif, an mi a-go gi dem it frii.

Revilieshan 22:13

Mi a di fos an mi a di laas — Evriting staat wid mi, an evriting don wid mi.

Revilieshan 4:8

Evri wan a di fuo sopm dem av siks wing an di uol a dem badi plos dem siks wing dem ful op a yai. Dem av yai aal anda dem wing. Die an nait dem neva tap se: “Uoli, uoli, uoli Laad Gad a yu av aal di powa. Yu did de bout fram wie bak wen, yu aalwiez a-go de bout, an a yu a-go kom baka ort.”