Revilieshan 1:17 - Di Jamiekan Nyuu Testiment

¹⁷ Wen mi si di man, mi fling dong miself a im fut an no muuv — laik se mi ded. Den im chrech out im rait an, an toch mi an se tu mi se, “No bada fried. Mi a di fos an mi a di laas — evriting staat wid mi, an evriting don wid mi.

Revilieshan 1:17 ပူးပေါင်းရင်းမြစ်များ

Matyu 14:27

Bot siem taim Jiizas se tu dem se, “Unu tek aat! A mi, man. No bada fried.”

Matyu 28:4

Di gyaadi dem did so fraitn dem a shiek iina dem buon. Dem jrap a grong an tif out laka ded dem ded.

Matyu 28:5

Bot di ienjel se tu di uman dem se, “No fried; mi nuo se a Jiizas unu a luk fa, di wan we dem kil pan di kraas.

Jan 13:23

Wan a dem, di wan we Jiizas did wel lov, did de a di tiebl a sidong saida im.

Jan 21:20

Piita ton roun an si di falara we Jiizas did lov. (Di sed wan we did sidong saida Jiizas wen taim dem did a nyam di laas sopa. A im siem wan did aks Jiizas se, “Laad, a uu a-go sel yu out?”)

Revilieshan 1:11

Di vais se tu mi se, “Rait dong dem sitn ya we yu si iina wan buk an sen it go a di sevn choch dem: sen it go a Efisos, Simorna, Porgamom, Taiyataira, Saadis, Filidelfiya an Leyodiisiya.”

Revilieshan 1:4

Dis a Jan. Mi a rait da leta ya tu di sevn choch dem we de iina Iezha. Mi a prie se Gad, di wan we alaiv, di wan we de bout fram wie bak wen, an di wan we a-go kom baka ort, an im Uoli Spirit we de infronta im chuon, wi gud an kain tu unu an gi unu piis iina unu aat.

Revilieshan 1:8

Di Laad Gad se, “A mi staat evriting an evriting don wid mi. Mi a di wan we alaiv, di wan we de bout fram wie bak wen, an di wan we a-go kom baka ort. A mi a di wan we av aal a di powa.”

Revilieshan 2:8

“Rait da leta ya go gi di liida fi di choch we iina Simorna an tel im se: Di Laad Gad se: Mi a di fos an mi a di laas — evriting staat wid mi, an evriting don wid mi. Mi a di wan we alaiv, di wan we de bout fram wie bak wen, an di wan we a-go kom baka ort.”

Revilieshan 22:13

Mi a di fos an mi a di laas — Evriting staat wid mi, an evriting don wid mi.