Matyu 9:8 - Di Jamiekan Nyuu Testiment

⁸ Wen di kroud a piipl si dis ya, dem kech dem fried an staat big op Gad, kaa a im gi piipl di rait an powa fi du dem sitn ya.

Matyu 9:8 ပူးပေါင်းရင်းမြစ်များ

Luuk 7:16

Evribadi fraitn, an dem staat priez Gad. Dem se, “Wan a di prafit dem de ya mongks wi, wan powaful wan! Gad kom fi elp im piipl dem.”

Matyu 15:31

Evribadi did fraitn fi si dom piipl a taak, uu kripl get beta, uu kudn waak a waak an blain piipl a si. An dem priez Izrel Gad.

Aks 4:21

Di liida dem chretn Piita an Jan agen, den dem let dem go. Dem kudn mek op dem main ou fi ponish Piita an Jan, kaaz aal a di piipl dem did a gi Gad priez fi wa did apm.

Luuk 23:47

Wen di ed suoja fi di aami, si wa apm, im priez Gad an se, “Fi riil da man ya mos a wan gud man we neva du notn rang!”

Luuk 17:15

Wan a dem si se im get beta an ton baka priez Gad loud loud.

Maak 2:12

Di man get op siem taim, tek op im chrecha an ed fi im yaad wail evribadi did a wach im. Di piipl did shak an dem priez Gad an se, “Wi neva si notn laik dis bifuo!”

Gyalieshan 1:24

An dem priez Gad siek-a wa apm tu mi.

Jan 15:8

Wen unu bier nof fruut an shuo se unu a fi mi falara, da wie de mi Faada get nof rispek.

Luuk 13:13

Im put im an pan ar, an siem taim shi tan op chriet chriet an priez Gad.

Aks 11:18

Wen dem ier aal we Piita se dem tap aagyu wid im. Insted-a dat dem staat priez Gad an se, “So den Gad gi di piipl we a no Juu di chaans fi ton we fram dem sin an get siev so dem kyan liv fi eva an eva.”

Aks 21:20

Wen dem ier dis, dem priez Gad. Den dem se tu im se, “Breda, yu si di touzn an touzn a Juu iina Jeruusilem we biliiv iina Jiizas, an aal a dem biliiv an fala di Laa dong tu di laas leta.

Maak 7:37

An aal uu ier did wel shak. Dem se, “Im du evriting gud! Im aal mek piipl we did def ier, an piipl we did dom taak.”

Matyu 28:18

Den Jiizas kom kom se tu dem se, “Gad gi mi powa uova evriting we a liv iina evn an pan ort.

Matyu 12:23

Evribadi we si wa apm jaa jrap a grong di wie dem fraitn. Dem se, “A kuda Dievid pikni dis?”

Matyu 5:16

A siem so unu fi shain unu lait mek evribadi si, da wie de dem kyan si di gud sitn we unu du an big op unu Faada we de a evn.

Matyu 9:7

An di kripl man tan op, an gwaan a im yaad.

Luuk 2:20

Di shepad dem go bak tu dem shiip a priez Gad fi aal we dem ier an si, kaaz evriting dem did si an ier a jos laik ou di ienjel did tel dem.

Luuk 17:18

Nobadi els no kom bak kom priez Gad? A onggl da farina ya wan?”

Luuk 18:43

Siem taim im kuda si an im fala baka Jiizas a priez Gad. Afta di piipl si wa apm, dem priez Gad tu.

2 Korintiyan 9:13

Siek-a wa unu a du, dem wi priez Gad kaaz unu biliiv an fala di Gud Nyuuz bout Krais Jiizas an kaaz unu shier wa unu av wid dem an ada piipl tu.

1 Piita 2:12

Unu mos liv gud an liv rait mongks di piipl dem we no biliiv iina Jiizas, so iivn duo rait ya nou dem a se aal kain-a bad sitn bout unu, an a se a bier wikidnis unu du, dem wi si se a gud sitn unu a du an priez Gad wen im kom baka ort kom big op uu fi get big op an ponish uu fi get ponish.