Matyu 9:22 - Di Jamiekan Nyuu Testiment

²² Bot wen Jiizas ton roun an si ar, im se, “No fret daata! Kaaz yu biliiv iina mi, yu aarait nou.” An fram da taim de di uman did beta.

Matyu 9:22 ပူးပေါင်းရင်းမြစ်များ

Matyu 15:28

Wen Jiizas ier dat, im se, “Bwai uman, yu riili riili chos iina mi. Wat-eva yu waahn fi apm, Gad a-go mek it apm.” Siem taim ar daata get beta.

Matyu 17:18

Jiizas ron out di diiman, an it kom outa di bwai. Di pikni get beta fram da taim de.

Matyu 8:13

Den Jiizas se tu di ed suoja se, “Gwaan baka yu yaad, di siem ting yu biliiv se a-go apm, a dat a-go apm.” An di sorvant get beta da sed taim de.

Matyu 9:2

Siem taim som piipl bring wan kripl man kom tu im pan wan chrecha. Wen Jiizas si umoch dem biliiv iina im, im se tu di kripl man se, “No wori mi bwai! Mi paadn yu fram aal a yu sin dem.”

Matyu 9:29

Den Jiizas toch dem yai an se, “Kaaz unu biliiv se mi kyan mek unu si agen, unu a-go si agen.”

Maak 10:52

Jiizas tel im se, “Gwaan, kaaz yu biliiv yu get beta nou.” Siem taim di man yai dem uopm op an im kuda si, an im fala Jiizas dong di ruod.

Maak 5:34

So Jiizas se tu ar se, “Daata, kaaz yu biliiv iina mi, yu aarait nou. Gwaan wid piis iina yu aat, kaaz yu beta nou.”

Luuk 17:19

Den Jiizas se tu di man se, “Git op an go a yu yaad, yu biliiv an a dat mek yu get beta.”

Luuk 18:42

Jiizas tel im se, “Si de, yu kyan si agen. Yu kyan si kaaz yu biliiv.”

Luuk 7:50

Jiizas tel di uman se, “Kaaz yu chos iina mi, Gad siev yu. Go a yu yaad wid piis iina yu aat.”

Luuk 8:48

Jiizas tel di uman se, “Daata, kaaz yu biliiv iina mi, yu aarait nou. Gwaan wid piis iina yu aat.”

Jan 4:53

Wen dem se dat an di man chek it out, it kom tu im se a did di siem taim Jiizas did tel im se, “Yu bwai pikni a-go liv.” So di man an aal a di piipl dem we liv iina im ous staat fi biliiv iina Jiizas.

Aks 14:9

Im did a lisn tu Paal a priich bout Jiizas. Paal luk chriet pan im an si se im did biliiv iina Gad inof se Gad kuda get im beta.

Aks 16:18

Die afta die shi kip aan a du di siem ting. Bot Paal get riili riili beks. So im ton roun an se tu di spirit we did iina di gyal se, “Iina Jiizas Krais niem. Kom outa ar!” An di spirit kom out siem taim.

Iibruu 4:2

Kaaz wi did ier di Gud Nyuuz priich jos laik ou di Izrel piipl dem did ier it tu. Bot di wod we priich neehn elp dem at aal at aal kaaz dem neehn biliiv laik di res a piipl dem we did ier it.