Matyu 9:16 - Di Jamiekan Nyuu Testiment

¹⁶ “Nobadi no tek nyuu klaat an suo pan uol kluoz yu no, kaa di pach a-go tier aafa di kluoz an den di fos tier a-go wosaraaf.

Matyu 9:16 ပူးပေါင်းရင်းမြစ်များ

Jan 16:12

“Mi av nof muo sitn fi se tu unu, muo dan unu kyan tek iin rait ya nou.

1 Korintiyan 13:13

So nou a chrii tingz lef we wi fi gwaan du: chos iina Gad, gwaan biliiv se im a-go gi wi wa im se im a-go gi wi an fi lov wi wan aneda. Outa aal a dem di muos impuotant wan a lov.

Matyu 9:15

Jiizas se tu dem se, “Yu tingk se di piipl dem we di braidgruum invait kyan a lang dong dem fies an sad sad op demself wen di braidgruum de mongks dem? Di taim a kom wen di braidgruum a-go gaan fram dem. A da taim de, dem wi kip we fram fuud.

Matyu 9:17

An nobadi no put nyuu wain iina uol wain bakl niida. Ef a so, di wain bakl dem a-go bos op, di wain a-go dash we, an di wain bakl dem a-go mash op. Wa piipl du a put nyuu wain iina nyuu wain bakl, an di tuu a dem — di bakl an di wain, wi aarait.”

Maak 2:21

“Nobadi no yuuz piis a nyuu klaat fi pach op uol kluoz. Ef dem du dat, wen dem wash di kluoz, di nyuu klaat a-go tier we fram di uol wan an lef wan biga uol dan wa did de de bifuo.

2 Korintiyan 9:12

So wen unu shier wa unu av wid di Juu dem iina Judiya we biliiv iina Krais Jiizas, unu no onggl a gi dem wa dem niid, bot unu a kaaz dem fi gi Gad tangks nof nof.

Luuk 5:36

Den Jiizas tel dem se, “Nobadi no tier nyuu kluoz fi pach op uol kluoz, kaaz di pach fram di nyuu wan naa go mach di uol wan.