Matyu 9:15 - Di Jamiekan Nyuu Testiment

¹⁵ Jiizas se tu dem se, “Yu tingk se di piipl dem we di braidgruum invait kyan a lang dong dem fies an sad sad op demself wen di braidgruum de mongks dem? Di taim a kom wen di braidgruum a-go gaan fram dem. A da taim de, dem wi kip we fram fuud.

Matyu 9:15 ပူးပေါင်းရင်းမြစ်များ

Matyu 9:14

Den Jan falara dem kom aks Jiizas se, “Ou kom wi an di Farisii dem kip we fram fuud fi worship Gad, bot fi yu falara dem no du dat?”

Matyu 9:16

“Nobadi no tek nyuu klaat an suo pan uol kluoz yu no, kaa di pach a-go tier aafa di kluoz an den di fos tier a-go wosaraaf.

Maak 2:19

Jiizas ansa dem se, “Yu tingk se di piipl dem we di braidgruum invait a im wedn fi kip we fram fuud wen im mongks dem? Wen di braidgruum de mongks dem, dem kyaahn kip we fram fuud.

Maak 2:20

Bot di taim a-go kom wen di braidgruum a-go get tek we fram dem. Da taim de dem wi kip we fram fuud.

Luuk 17:22

Den Jiizas se tu im speshal falara dem se, “Di taim a-go kom wen unu wi lang fi di Man we Gad Pik kom bak, iivn fi wan die.

Luuk 5:34

Jiizas ansa dem bak se, “Yu tingk se di piipl dem we di braidgruum invait a im wedn fi kip we fram fuud wen im mongks dem?

Luuk 5:35

Di taim a-go kom wen di braidgruum a-go gaan fram dem. A da taim de, dem wi kip we fram fuud.”

Jan 16:6

Bot unu aat evi dong, kaa mi tel unu dem sitn ya.

Jan 3:29

Yu si, di braid a fi di braidgruum. Di braidgruum brejrin we saat out di sitn dem fi'im wedn an we tan op an lisn out fi'im, im glad-bag bos wen taim im ier di braidgruum vais. Rait ya nou, a siem wie so mi fiil wel wel api bout wa a gwaan.

Aks 14:23

Iina aal a di choch dem, Paal an Baanabas pik elda gi dem fi liid dem. An afta dem spen taim a prie an kip we fram fuud, Paal an Baanabas ton di liida dem an di choch piipl dem uova tu di Laad Jiizas we dem biliiv iina.

1 Korintiyan 7:5

Wen unu marid unu onggl fi tap sliip wid unu wan aneda ef di tuu a unu mek op unu main fi tap so unu kyan spen som taim a prie. An unu onggl fi du dat fi a shaat taim. Wen di taim paas unu fi go bak go sliip wid unu wan aneda so dat Sietan kyaahn kaaz unu fi du notn rang kaaz unu kyaahn kanchuol unu badi.

2 Korintiyan 11:27

Mi chogl an wok aad aad, nof nait mi no get no sliip. Mi did onggri an waahn sopm fi jringk an nof taim neva av no fuud fi iit. Yu did av taim wen mi kuol an no av inof kluoz fi kip mi waam.

Revilieshan 19:9

Den di ienjel se tu mi se, “Rait dis dong: ‘Di wan dem we get invait fi kom a di Biebi Shiip wedn sopa, a dem api.’ ” Den di ienjel se tu mi se, “Wa mi a tel yu, a Gad wod we chuu.”

Revilieshan 21:2

Mi si di uoli siti, di nyuu Jeruusilem, a kom dong fram Gad outa evn. It did luk laik wan uman we jres op nais nais fi go a ar wedn fi miit di man we shi a-go marid.