Matyu 9:13 - Di Jamiekan Nyuu Testiment

¹³ Gwaan go fain out a wa dis miin: ‘Mi waahn piipl fi gud an kain tu piipl, no fi dem kom kom bon sakrifais gi mi.’ Kaaz mi neehn kom ya fi tel piipl we du rait fi ton fram dem rang, a piipl we du rang mi kom ya fa.”

Matyu 9:13 ပူးပေါင်းရင်းမြစ်များ

Matyu 12:3

Jiizas ansa dem se, “Unu no riid wa Dievid du wen im an im fren dem did onggri?

Matyu 12:5

“Ar, uol aan de, unu no riid iina di Laa ou di priis dem wok iina Gad ous pan Sabat die an so dem a brok wa di Laa se bout di Sabat, bot dem no du notn rang iina Gad yai.

Matyu 12:7

Ef unu did nuo wa dis ya miin: ‘Mi waahn piipl fi gud an kain tu piipl, no fi piipl kom kom bon sakrifais gi mi,’ unu wudn rait aaf piipl we no du notn rang an gwaan laik se dem a sina.

Matyu 19:4

Jiizas ansa se, “Unu no riid se fram Gad mek di worl im mek man an uman,

Matyu 21:42

Jiizas se tu dem se, “Unu neehn riid iina Gad wod se: “‘Di rakstuon di bilda fling we, a it a uol op di bildin nou. A di Laad du dis, an wi yai uopm op waid waid wen wi si di sitn we im du’?

Matyu 3:2

Im se, “Ton we fram unu sin, kaa di die suun kom wen evn a-go ruul uova di worl iina evri wie!”

Matyu 3:8

Du di sitn dem we shuo se unu riili tap sin.

Matyu 4:17

Fram da taim de, Jiizas staat priich da mesij ya: “Ton we fram unu sin an chienj unu wiez, kaa di die suun kom wen evn a-go ruul uova di worl iina evri wie!”

Maak 12:26

Bot wen unu a taak bout ded piipl fi kom bak alaiv, unu neva riid wa Muoziz rait dong iina di paat bout di bush ou Gad se, ‘Mi a Iebriyam Gad, Aizak Gad, an Jiekob Gad’?

Maak 12:33

An yu rait fi se di muos impuotant Laa a fi lov im wid aal yu aat, wid aal a yu main an wid aal a yu chrent, an yu fi lov yu nieba siem laik ou yu lov yuself. Yu rait fi se dem tuu laa de muo impuotant dan wen sumadi bon sakrifais gi Gad ar gi op aafrin.”

Maak 2:17

Wen Jiizas ier wa dem se, im se tu dem se, “Piipl we no sik no niid dakta, a onggl sik piipl niid dakta. Mi neehn kom ya fi tel piipl we du rait fi ton fram dem rang, a piipl we du rang mi kom ya fa.”

Luuk 10:26

Jiizas aks im, “Wa di Laa se? Wa yu get fram it?”

Luuk 19:10

Di Man we Gad Pik kom fi luk fi piipl we laas an siev dem.”

Luuk 24:47

an iina fi mi niem unu fi priich an tel di piipl dem we a no Juu fi ton tu Gad an get paadn fi we dem du rang. Staat rait ya-so iina Jeruusilem.

Luuk 5:31

Jiizas ansa dem an se, “Piipl we no sik no niid no dakta, a onggl sik piipl niid dakta.

Luuk 5:32

Mi no kom ya fi tel piipl we du rait fi ton fram dem sin, a piipl we du rang mi kom ya fa.”

Jan 10:34

So Jiizas ansa dem an se, “A no iina fu'unu Laa buk it rait dong se Gad se, ‘Mi tel unu se unu a gad’?

Aks 11:18

Wen dem ier aal we Piita se dem tap aagyu wid im. Insted-a dat dem staat priez Gad an se, “So den Gad gi di piipl we a no Juu di chaans fi ton we fram dem sin an get siev so dem kyan liv fi eva an eva.”

Aks 2:38

Piita tel dem se “Aal a unu, ton we fram unu sin dem an shuo se unu sari fi wa unu du, get baptaiz iina Jiizas Krais niem an Gad wi paadn unu fi unu sin dem. Ef unu du dat, Gad wi gi unu im gif, dat a di Uoli Spirit.

Aks 20:21

An mi neva fried fi tel piipl we a Juu an piipl we a Griik fi ton we fram dem sin, shuo se dem sari fi wa dem du, ton tu Gad, an biliiv iina Jiizas.

Aks 3:19

So ton we fram unu sin, beg Gad paadn an kom bak tu im, so dat im wi tek we unu sin dem.

Aks 5:31

Gad big op Jiizas an put im fi sidong a im rait an. Im mek Jiizas wan liida an di wan we a-go siev piipl so dat di Izrel piipl wuda get di chaans fi ton we fram dem sin, shuo se dem sari, an get dem sin paadn.

2 Piita 3:9

Gad no lingga wid notn we im pramis fi du laik wa som piipl mait-a tingk. Im jos a gwaan tek im taim wid unu kaaz im no waahn nobadi fi sofa. Wa im waahn a fi evribadi ton we fram sin an kom tu im.