Matyu 9:11 - Di Jamiekan Nyuu Testiment

¹¹ Wen di Farisii piipl dem si dis ya, dem ton tu im speshal falara dem an se, “Wa mek unu tiicha nyam wid taks kalekta an rang-duwa?”

Matyu 9:11 ပူးပေါင်းရင်းမြစ်များ

Matyu 11:19

Di Man we Gad Pik kom a nyam an a jringk, an dem se, ‘Luk ya, da man ya krievn an im a jongkad. Fi im fren dem a taks kalekta an sina!’ Di piipl we fala di rait wie pruuv se Gad waiz an im wie rait.”

Matyu 5:46

Aftaraal, ef unu onggl lov di piipl dem we lov unu, wa unu a-go get outa dat?

Matyu 9:10

Afta dat, Jiizas go nyam a Matyu yaad, an wan uol iip a taks kalekta an piipl we du rang did kom kom sidong an a nyam wid im an im speshal falara dem.

Maak 2:16

Wen di Laa tiicha dem an di Farisii dem si se Jiizas did a nyam wid taks kalekta an piipl we du rang, dem aks im falara dem se, “Wa mek im nyam wid di taks kalekta an rang-duwa?”

Luuk 19:7

Di piipl si dis an dem staat grombl, “Im gaan go tan a wan sina man yaad.”

Luuk 5:30

Bot di Farisii an di Laa tiicha dem, komplien tu Jiizas speshal falara dem se, “Wa mek unu a nyam an jringk wid di taks kalekta an rang-duwa dem?”

Aks 11:3

Dem se tu im se, “Yu go a di ous a piipl we a no Juu an iit wid dem?”

Gyalieshan 2:15

Wi baan Juu, wi no komiin laik di piipl dem we a no Juu we wi kaal sina kaaz dem no fala Muoziz Laa.

Iibruu 5:2

Kaaz di liida fi di priis dem a piipl tu, im wi nuo ou fi tek taim wid piipl we no nuo beta an a du rang, sins im wiik an wi du rang tu.

2 Jan 1:10

Ef enibadi kom tu unu we no biliiv iina wa wi tiich bout Krais Jiizas, no aaba im a unu ous, an no mek im tingk se unu api fi av im roun unu.