Matyu 8:31 - Di Jamiekan Nyuu Testiment

³¹ Den di diiman dem beg Jiizas, ier dem no, “Ef yu a go ron wi out, du, sen wi go iina dem pig de.”

Matyu 8:31 ပူးပေါင်းရင်းမြစ်များ

Maak 5:12

So di diiman dem beg im se, “Sen wi go iina di ag dem. Mek wi go iina dem.”

Revilieshan 12:12

So evribadi iina evn, unu fi api! Bot aal uu liv pan di ort an piipl we de a sii, chobl fu'unu, kaaz di devl gaan dong tu unu! Im beks bad — beks til im tempa a bwail uova, kaaz im nuo se im taim shaat.”

Maak 5:7

Den im baal out pan tap a im vais se, “Lef mi no Jiizas, di Muos Ai Gad Bwai Pikni! Mi a beg yu, fi Gad siek, no mek mi sofa!”

Matyu 4:24

So piipl staat ier bout im muo an muo aal roun Siriya, an dem kyari aal saat a piipl kom we sik iina dis ya wie ar dat de wie. Dem kyari piipl we pien op an a sofa fram aal saat a kraasiz, an aal uu did a sofa fram sitn we mek dem kech fits dem kyari dem kom tu. Dem kyari piipl we kyaahn waak, piipl we av diiman iina dem, an Jiizas get di uol a dem beta.

Matyu 7:6

“An, no tek unu gud kliin sitn dem, we a fi Gad, gi daag, an unu gud gud porl dash gi pig. Dem naa go tep tep op pan dem, den ton roun tier unu op.

Matyu 8:30

Wan uol iip a ag did a nyam likl wie fram wich paat dem did de.

Matyu 8:32

An im se, “Gwaan!” So dem kom outa di man dem an go iina di ag dem, an di uol a di ag dem tek aaf dong di stiip stiip il-said go chriet iina di liek an joun iina di waata.