Matyu 8:3 - Di Jamiekan Nyuu Testiment

³ Jiizas chrech out im an, toch di man an se, “Mi waahn yu fi get kliin. Gwaan yu beta nou!” An siem taim di man skin get kliin kliin.

Matyu 8:3 ပူးပေါင်းရင်းမြစ်များ

Luuk 5:13

Jiizas put out im an toch di man an se, “Mi waahn yu fi get kliin. Gwaan yu beta nou!” An siem taim di man skin get beta.

Maak 1:41

Jiizas fiil sari fi di man, so im chrech out im an an toch im an se, “Mi waahn yu fi get kliin. Gwaan, yu beta nou!”

Jan 5:21

Kaa, siem wie laka ou di Faada mek ded piipl kom bak alaiv, a siem wie so di Bwai Pikni gi laif tu enibadi im waahn gi'it tu.

Maak 4:39

So Jiizas get op an taak chrang tu di briiz, an tel di sii fi sekl dong. So di briiz tap an di wiev dem sekl dong.

Jan 11:43

Afta Jiizas don se dat, im baal out loud loud se, “Lazaros, kum out!”

Luuk 7:14

Den Jiizas go op go toch di kafn, an di man dem we did a kyari it tap. Jiizas se, “Yuut man, git op!”

Maak 9:25

Wen Jiizas si se wan kroud a piipl staat gyada op faas faas, im chat tu di diiman chrang chrang an tel im se, “Yu spirit we mek di bwai kyaahn taak ar ier, mi a tel yu, kom outa im an neva go iina im agen!”

Maak 7:34

Den im luk op iina di skai, gi out wan sai an se, “Ef - fata!” (Dat miin, “Uopm op!”).

Maak 5:41

Den Jiizas tek taim uol di likl gyal an an se tu ar se, “Taliita kum!” Dat miin, “Likl gyal, git op!”

Jan 15:24

Dem wudn gilti ef mi neehn du di powaful sitn dem we dem neva si nobadi els du. Bot nou dem si dem powaful sitn ya, an dem iet mi an mi Faada siem wie.

Matyu 12:13

Den im se tu di man, “Chrech out yu an.” Di man chrech out im an, it get beta, an kom bak gud gud laik di neks wan.

Luuk 4:27

Siem ting did apm a Izrel iina di taim a Ilaisha, di prafit. Uol iip a piipl did av wan siknis we mek dem skin fasi-fasi, bot a onggl di Siriyan we niem Nieman get iil.”