Matyu 8:29 - Di Jamiekan Nyuu Testiment

²⁹ Di man dem baal out, “Gad Bwai Pikni, lef wi no! A kom yu kom ya fi mek wi sofa bifuo taim, ehn?”

Matyu 8:29 ပူးပေါင်းရင်းမြစ်များ

Matyu 4:3

A da taim de di devl, we eva a chrai mek piipl du rang, kom se tu im se, “Ef yu a Gad Bwai Pikni, tel dem rakstuon ya fi ton bred.”

Matyu 8:30

Wan uol iip a ag did a nyam likl wie fram wich paat dem did de.

Maak 1:24

“Jiizas a Nazaret, wa yu waahn wid wi? A kom yu kom fi kil wi aaf? Mi nuo uu yu bi! Yu a di Uoli Wan we kom fram Gad!”

Maak 3:11

An piipl we av diiman iina dem, enitaim di diiman dem si Jiizas, dem fling dong demself an baal out se, “Yu a Gad Bwai Pikni!”

Maak 5:7

Den im baal out pan tap a im vais se, “Lef mi no Jiizas, di Muos Ai Gad Bwai Pikni! Mi a beg yu, fi Gad siek, no mek mi sofa!”

Luuk 4:34

“Cho! Jiizas a Nazaret we yu waahn wid wi? A kom yu kom fi kil wi aaf? Mi nuo uu yu bi. Yu a di Uoli Wan we kom fram Gad!”

Luuk 4:41

Diiman kom outa nof piipl an a shout, “Yu a Gad pikni!” Dem did nuo se im a di Krais, so Jiizas mek dem kyaahn se notn.

Luuk 8:28

Wen di man spat Jiizas, im baal out an jrap imself infronta Jiizas. Im shout out pan tap a im vais, “Lef wi no Jiizas, di Muos Ai Gad Pikni! Du mi a beg yu, no mek mi sofa!”

Jan 2:4

Jiizas se tu ar se, “Mama, wa mek yu de tel mi dat? Fi mi taim no kom yet.”

Aks 16:17

Shi kip aan a fala baka wi an Paal an a baal out, “Dem man ya a di Muos ai Gad sorvant dem. Dem a priich an a tel unu di wie ou unu fi get siev.”

Jiemz 2:19

Yu biliiv se a onggl wan Gad de — gud! Aal di diiman dem biliiv dat an chrimbl.

2 Piita 2:4

Kaaz ef Gad neehn iivn spier di ienjel dem we did sin, bot did chuo dem chriet dong a el we dem chien op iina daaknis a wiet til jojment kom,

Juud 1:6

Unu nuo tu bout di ienjel dem wa neehn tan we Gad put dem fi ruul. Dem jos lef dem plies so. Siek-a dat Gad tai dem op wid chien fi eva an eva. Gad a kip dem tai op iina wan daak daak pit til di big big jojment die.