Matyu 8:28 - Di Jamiekan Nyuu Testiment

²⁸ Wen Jiizas riich a di neks said, iina di konchri we di Gyadariinz piipl dem liv, tuu man we did av iin diiman kom op tu im. Dem did a kom fram beriyin grong. Nobadi kudn kanchuol dem man de. Dem did rof an tof an a bier waar dem did push. Siek-a dat, nobadi kudn paas de-so.

Matyu 8:28 ပူးပေါင်းရင်းမြစ်များ

Matyu 4:24

So piipl staat ier bout im muo an muo aal roun Siriya, an dem kyari aal saat a piipl kom we sik iina dis ya wie ar dat de wie. Dem kyari piipl we pien op an a sofa fram aal saat a kraasiz, an aal uu did a sofa fram sitn we mek dem kech fits dem kyari dem kom tu. Dem kyari piipl we kyaahn waak, piipl we av diiman iina dem, an Jiizas get di uol a dem beta.

Matyu 8:27

An di man dem jaa jrap a grong, dem se, “Bot a wa kain-a man dis ya? Aal briiz an sii lisn im an du wa im se!”

Aks 10:38

Unu nuo ou Gad did gi Jiizas we kom fram Nazaret im Uoli Spirit an powa. Jiizas go aal bout a du gud sitn, an aal a di piipl we di devl did kanchuol, Jiizas frii dem kaaz Gad did de wid im.