Matyu 8:26 - Di Jamiekan Nyuu Testiment

²⁶ Bot im se tu dem se, “Ou unu friedi-friedi so? Unu chos iina Gad likl bit iihn?” Den im get op an tel di briiz an di sii fi sekl demself. An evriting jos sekl bak dong.

Matyu 8:26 ပူးပေါင်းရင်းမြစ်များ

Matyu 16:8

Jiizas did don nuo wa dem a se, so im se tu dem, “Bwai, wat a likl bit a chos unu put iina mi! Mek unu a taak mongks unu wan aneda bout ou unu naa no bred, iihn?

Matyu 17:20

So im se tu dem se, “Kaaz unu neehn riili biliiv se Gad wuda dwi'it. Ier wa mi a se, an a chuu mi a taak, ef unu biliiv, iivn fi likl bit — likl laik di liklis siid dem, unu wi se tu da moutn ya, ‘Muuv fram ya-so go de-so,’ an it muuv. Notn naa de bout we unu naa go kyan du.”

Matyu 6:30

An ef dat a ou Gad jres op wail graas, we de ya tide, an dash iina faiya tumaro, den im naa go mek shuor se unu av kluoz fi wier tu? Luk pan unu, wa likl bit a chos unu put iina Gad!

Matyu 8:27

An di man dem jaa jrap a grong, dem se, “Bot a wa kain-a man dis ya? Aal briiz an sii lisn im an du wa im se!”

Luuk 4:35

“Kiba yu mout!” Jiizas se iina wan siiros vais. “Kom outa di man!” Di diiman fling dong di man fronta evribadi an kom out bot neva ort di man.

Ruoman 4:20

Iebriyam neva tap biliiv an im neva kwestiyan Gad. Im gi Gad priez an kaaz im chos iina Gad, im get chrang.

Revilieshan 10:2

Di ienjel did av wan likl ruol op buk uopm op iina im an. Im tan op wid im rait fut pan di sii an im lef fut pan di lan.