Matyu 8:17 - Di Jamiekan Nyuu Testiment

¹⁷ Da wie ya, wa di prafit Aizaiya did se, wuda kom chuu. Aizaiya did se: “Aal a di sitn dem we wi sofa wid, im kom tek dem we, an aal a wi siknis dem, im tek put pan imself.”

Matyu 8:17 ပူးပေါင်းရင်းမြစ်များ

Matyu 1:22

Nou aal a dem sitn ya apm fi mek wa di Laad did tel di prafit fi se kom chuu.

Matyu 2:15

An im tan de til Erad ded. Da wie de, wa di Laad did yuuz di prafit fi se did kom chuu. Im did se, “A outa Iijip mi kaal mi bwai pikni.”

Matyu 2:23

Im kom a wan toun niem Nazaret an tan de-so. A so kom wa di prafit dem did se kom chuu. Azkaadn tu di prafit dem, dem a-go kaal Jiizas wan Nazariin man.

Maak 1:32

Afta di son go dong an iivnin kom, di piipl dem kyari aal a di sik piipl dem an aal a di piipl dem we diiman did a kanchuol go a Jiizas.

Luuk 4:40

Wen di son did a go dong, di piipl dem we av sumadi we sik, kyari dem kom a Jiizas. Im put im an pan evri wan a dem an mek dem beta, no mata wa dem did sik wid.

2 Korintiyan 12:10

So mi api se mi wiik. Wen piipl chriit mi bad, wen chobl tek mi, wen piipl kaaz mi fi sofa an wen tingz aad, mi stil api. Mi api fi sofa fi Krais Jiizas kaaz wen mi wiik, a da taim de mi chrang.

1 Piita 2:24

Jiizas — im did fiil uol iip a pien iina im badi fi wi wen im did de pan di kraas siek-a fi wi sin. Im du dat so sin wi no av no muo powa uova wi, an wi kyan liv an du wa rait. An siek-a di sofarieshan we im go chuu: di biit op biit op an di kot op kot op we bata bruuz im, chuu dat yu did get iil.