Matyu 8:14 - Di Jamiekan Nyuu Testiment

¹⁴ Wen Jiizas riich a Piita yaad, im si se Piita mada-in-laa did lai dong iina bed. Shi did av fiiva.

Matyu 8:14 ပူးပေါင်းရင်းမြစ်များ

Matyu 17:25

So Piita se, “Ye man.” Wen Piita kom iina di ous, bifuo im kuda se notn Jiizas se tu im se, “Wa yu tingk Saiman? Di king dem fi da ort ya, a uu dem kalek tuol ar taks fram: dem uona piipl ar farina?”

Matyu 8:15

Im toch ar an, an di fiiva brok, an shi get op siem taim an staat luk aafa dem.

Matyu 8:20

Jiizas se tu im se, “Faks av uol, an di bod dem av nes, bot di Man we Gad Pik no av no we fi pudong im ed.”

1 Korintiyan 9:5

Wi no av di rait fi tek uman we biliiv iina Gad an mek dem wi waif, an kyari dem roun wid wi, jos laik di ada apasl dem, di Laad breda an Siifas?

1 Timoti 3:2

Di elda fi liv im laif so dat nobadi kyaahn se notn bad gens im. Im fi av onggl wan waif, im fi nuo ou fi kanchuol imself an no go uova buod wid notn. Piipl mos kyan rispek im an im fi kyan chriit piipl gud wen dem kom a im yaad. Di elda mos nuo ou fi tiich.

1 Timoti 4:3

Dem tiich se piipl no fi get marid an dem no fi nyam sortn an sortn fuud. Bot di piipl we biliiv iina di chuu Gad nuo se Gad mek aal fuud fi nyam, aal yu afi du a gi tangks fos.

Iibruu 13:4

Evribadi fi rispek marid laif, ozban an waif mosn go sliip wid nobadi els — dem fi kip dem bed kliin. Kaaz di piipl dem we dabl iina seks sin, an we sliip wid piipl dem no marid tu, Gad a-go joj dem.