Matyu 8:13 - Di Jamiekan Nyuu Testiment

¹³ Den Jiizas se tu di ed suoja se, “Gwaan baka yu yaad, di siem ting yu biliiv se a-go apm, a dat a-go apm.” An di sorvant get beta da sed taim de.

Matyu 8:13 ပူးပေါင်းရင်းမြစ်များ

Jan 4:50

Den Jiizas se tu im, “Yu kyan gwaan. Yu bwai pikni a-go liv.” Den di man biliiv we Jiizas tel im se, an set out fi go baka im yaad.

Maak 9:23

Jiizas ansa im se, “ ‘Ef yu kyan du notn fi'im?’ Ef yu biliiv eniting kyan apm.”

Matyu 17:20

So im se tu dem se, “Kaaz unu neehn riili biliiv se Gad wuda dwi'it. Ier wa mi a se, an a chuu mi a taak, ef unu biliiv, iivn fi likl bit — likl laik di liklis siid dem, unu wi se tu da moutn ya, ‘Muuv fram ya-so go de-so,’ an it muuv. Notn naa de bout we unu naa go kyan du.”

Matyu 15:28

Wen Jiizas ier dat, im se, “Bwai uman, yu riili riili chos iina mi. Wat-eva yu waahn fi apm, Gad a-go mek it apm.” Siem taim ar daata get beta.

Matyu 9:22

Bot wen Jiizas ton roun an si ar, im se, “No fret daata! Kaaz yu biliiv iina mi, yu aarait nou.” An fram da taim de di uman did beta.

Matyu 8:4

Den Jiizas se tu im se, “Mek shuor se yu no tel nobadi, bot galang a wan priis an mek im si yu. Kyari di sakrifais we Muoziz Laa se yu fi gi wen yu skin get beta. Dat wi shuo evribadi se yu aarait nou.”

Maak 7:29

Den Jiizas se tu ar se, “Yu si siek-a wa yu se, yu kyan gwaan uom, di diiman gaan outa yu pikni.”