Matyu 8:11 - Di Jamiekan Nyuu Testiment

¹¹ Ier mi no, uol iip a piipl fram iis an wes a-go kom sidong iit big dina wid Iebriyam, Aizak an Jiekob op a evn iina Gad kindom.

Matyu 8:11 ပူးပေါင်းရင်းမြစ်များ

Matyu 21:41

Dem ansa se, “Im a-go kil aaf dem uol wikid de! An tek im faam an rent it tu ada tenant we a-go gi'im wa im fi get wen im griep dem redi.”

Matyu 24:31

Im wi sen im ienjel dem fi kom bluo di chompit loud loud, an dem gweehn gyada op di piipl dem we im pik fram naat, sout, iis an wes, fram aal uova di worl.

Matyu 3:2

Im se, “Ton we fram unu sin, kaa di die suun kom wen evn a-go ruul uova di worl iina evri wie!”

Matyu 8:10

Jiizas jaa jrap wen im ier dis ya, an im se tu di piipl dem we did a fala im se, “Mek mi tel unu dis, an a chuu mi a taak, mi no fain nobadi iina Izrel we chos iina mi so!

Luuk 12:37

It a-go gud fi di sorvant dem uufa maasta fain dem bizi a wiet fi'im kom bak. Mi a tel unu dis, di maasta imself a-go put aan im wok kluoz, mek dem sidong a di tiebl, an im wi sorv dem.

Luuk 16:22

“Di bega ded an di ienjel dem kyari im tu Iebriyam said. Di rich man ded tu an get beri.

Aks 10:45

Di Juu dem we biliiv iina Jiizas an we did kom wid Piita did shak. Dem did shak fi si se Gad gi di Uoli Spirit iivn tu di piipl we a no Juu.

Aks 11:18

Wen dem ier aal we Piita se dem tap aagyu wid im. Insted-a dat dem staat priez Gad an se, “So den Gad gi di piipl we a no Juu di chaans fi ton we fram dem sin an get siev so dem kyan liv fi eva an eva.”

Aks 14:22

a elp di piipl dem we biliiv iina Jiizas fi get chrang iina wa dem biliiv. Dem tel dem fi eng aan pan di chuut we dem biliiv bout Jiizas. Dem tel dem se, “Wi afi go chuu nof sofarieshan fi get iina Gad kindom.”

Aks 14:27

Wen dem riich a Antiyak, Paal an Baanabas gyada op di choch piipl an tel dem evriting we Gad did gi dem powa fi du, an ou Gad gi di piipl we a no Juu di chaans fi biliiv iina im.

1 Korintiyan 15:20

Bot di chuut a dat Jiizas Krais did kom bak alaiv. An im mek wi nuo fi shuor se Gad a-go mek ada piipl we ded an we biliiv iina im kom bak alaiv tu.

1 Korintiyan 6:9

Unu no nuo se di wikid naa go av no paat iina Gad kindom? No bada fuul unuself! Di piipl dem we tek paat iina aal kain-a seks sin an we worship faalz gad naa go tek paat iina Gad kindom. Piipl we sliip wid piipl dem no marid tu, piipl we sel dem badi fi moni, man we sliip wid man an uman we sliip wid uman, dem naa go si Gad kindom at aal.

Ifiijan 3:6

Di siikrit mesij a dat wen piipl we a no Juu biliiv iina di Gud Nyuuz, dem ton Gad pikni an tek paat iina aal a di gud sitn dem Gad gi di Juu piipl dem. Pan tap a dat, aal a dem jain op tugeda wid di Izrel piipl dem we bilang tu Gad, an siek-a wa Jiizas du, dem gweehn get aal a wa Gad pramis fi gi im piipl dem.

Koloshan 3:11

Siek-a dat, wi no av Juu piipl difrant fram piipl we a no Juu. Wi no av piipl we sorkomsaiz difrant fram di wan dem we no sorkomsaiz. Wi no kaal nobadi wail, farina piipl, an wi no av sliev difrant fram piipl we frii. Kaaz rait ya nou, Krais Jiizas a aal wi bizniz bout, an im iina aal a wi we a liv da nyuu laif ya.

2 Tesaluoniyan 1:5

Aal a dem sitn ya shuo plien plien se Gad joj piipl ou dem fi get joj, kaaz im a get unu redi fi im kindom we unu a sofa fa.

Revilieshan 7:6

A twelv touzn fram Asha chraib, twelv touzn fram Naftali chraib, twelv touzn, fram Manase chraib.