Matyu 7:23 - Di Jamiekan Nyuu Testiment

²³ Bot a gweehn se tu dem se, ‘Mi no nuo yu non at aal. Gwe fram ya-so! Aal unu du a brok Gad Laa!’

Matyu 7:23 ပူးပေါင်းရင်းမြစ်များ

Matyu 25:41

“Den di king a-go se tu aal uu de pan im lef-an-said se, ‘Gwe fram saida mi! Gwaan go bon op iina di faiya we a bliez fi eva an eva. A it Gad did fiks op fi di devl an im ienjel dem, bot im a sen unu go de tu!

Luuk 13:27

Im wi se, ‘Mi no nuo unu an mi no nuo we unu kom fram. Gu we fram mi, unu uol wikid unu.’

Luuk 13:25

Di taim a-go kom wen di uona a di ous get op an lak di duor an unu wi tan op outa duor a nak an beg, ‘Sa, uopm di duor fi wi.’ “Bot im wi ansa se, ‘Mi no nuo unu ar wich paat unu kom fram.’

Matyu 25:12

“Bot im ansa bak, ‘Ier mi no, an a chuu mi a taak, mi no iivn nuo unu!’

Jan 10:14

Mi a di gud shepad. Mi nuo mi uona shiip dem an mi shiip dem nuo mi

Revilieshan 22:15

Bot di piipl dem we mek demself doti wid aal kain-a naasinis kyaahn go iina di siti: piipl we wok uobiya, du aal kain-a seks sin, kil piipl, worship faalz gad, an piipl we lov fi tel lai, non a dem kyaahn go iina di siti.

2 Timoti 2:19

Bot Gad foundieshan salid an chrang, it a tan op siem wie. An it av dis rait pan it: “Di Laad nuo di piipl dem we a fi im uon,” an “Enibadi we se Jiizas a ‘Laad’ mos tap du wikid sitn.”