Matyu 7:14 - Di Jamiekan Nyuu Testiment

¹⁴ Bot di giet we piipl go chuu an get fi liv fi eva, dat de giet naro an aad fi go chuu. An a likl bit a piipl fain it.

Matyu 7:14 ပူးပေါင်းရင်းမြစ်များ

Matyu 20:16

“So di wan we no luk so impuotant we de a bak, Gad a-go push dem op a front, an di wan dem we luk laik se a dem impuotant, we de op a front, a dem a-go get push a bak.”

Matyu 22:14

“Kaaz a uol iip a piipl Gad kaal, bot a onggl wan an tuu im pik.”

Matyu 7:13

“Go chuu di naro giet, kaa di wan we waid an iizi fi go chuu dat tek unu chriet dong a el, an a dong de-so unu wi don fi eva. An a wol iip a piipl go chuu dat de giet.

Matyu 7:15

“Wach out fi faalz prafit tu. Dem kom tu unu a gwaan laik dem a shiip, bot iina dem aat dem a laik wikid wail wulf.

Maak 8:34

Den Jiizas kaal di kroud a piipl an im falara dem an se tu dem se, “Ef sumadi waahn fi ton wan a mi falara dem, dem afi figet bout wa dem waahn, tek op dem kraas, an fala mi.

Luuk 12:32

“So, unu we a fala mi, no bada fried. Unu Faada api fi gi unu im kindom.

Jan 16:2

Dem a-go ron unu outa di Juu dem Choch. Di taim aal a kom wen sumadi a-go kil unu an tingk se dem a du sitn gud fi Gad.

Jan 16:33

“Mi tel unu dem sitn ya so dat unu kyan av piis iina unu aat kaa mi an unu a wan. Iina da worl ya, unu gweehn av chobl an sofarieshan. Bot no fret! Mi don win di fait wid di worl.”

Aks 14:22

a elp di piipl dem we biliiv iina Jiizas fi get chrang iina wa dem biliiv. Dem tel dem fi eng aan pan di chuut we dem biliiv bout Jiizas. Dem tel dem se, “Wi afi go chuu nof sofarieshan fi get iina Gad kindom.”

Ruoman 12:2

No mek di piipl we de iina di worl tel unu ou fi liv. Insted-a dat mek Gad chienj di wie ou unu tingk so dat im kyan chienj di wie ou unu a liv. Da wie de unu wi nuo aal a wa Gad waahn unu fi du — unu wi nuo we rait, unu wi nuo wa mek Gad api an unu wi nuo ou im waahn unu fi liv.

Ruoman 9:32

Ou kom? Ou kom dem neva fain it? Dem neva fain it kaaz dem di uop se di sitn dem we dem did a du wuda mek Gad put tingz rait wid dem. Dem did a du dat insted-a chos Gad fi siev dem. Dem chrip an faal dong. Dem chrip uova di stuon we de de fi kaaz piipl fi faal dong.