Matyu 6:31 - Di Jamiekan Nyuu Testiment

³¹ Ier mi man, no wori an fret bout, ‘Wa mi a-go nyam?’ ar ‘A wa mi a-go jringk?’ ar a se, ‘A wa mi a-go wier?’

Matyu 6:31 ပူးပေါင်းရင်းမြစ်များ

1 Piita 5:7

Evriting we unu a wori an fret bout, gi it tu im, kaaz im kier bout unu.

Luuk 12:29

No kip aan a fret bout wa unu fi nyam ar jringk; no wori op unuself bout dat.

Matyu 4:4

Jiizas ansa bak, “It rait dong iina Gad wod se, ‘Man no liv pan bred wan. Bot wi niid evri wod we kom outa Gad mout fi riili liv.”

Matyu 15:33

So im falara dem se, “A wich paat wi kyan get inof fuud iina dis ya dezot plies fi fiid so moch piipl?”

Matyu 6:25

“So mi a tel unu, no bada fret bout unu laif, a wori op unuself bout wa unu a-go iit ar jringk, ar wa unu a-go wier. Kaaz laif no muo impuotant dan fuud, iihn? An di badi no niid muo dan kluoz?

Matyu 6:27

Wich wan a unu kyan liv iivn wan owa langga dan unu fi liv kaa unu wori wori op unuself? Iihn?

Luuk 10:41

Di Laad ansa ar se, “Maata, Maata, yu a bada bada yuself bout uol iip a sitn,

Luuk 12:11

“Wen dem kyari unu bifuo di Juu dem choch, di ruula dem an di piipl dem we av uol iip a powa fi aal sen piipl go ded, no fret bout ou unu a-go difen unuself, ar wa unu fi se ar ou unu fi se it,

Luuk 12:22

So Jiizas tel im speshal falara dem se: “No bada fret bout unu laif, a wori op unuself bout wa unu a-go iit, ar wa unu a-go wier.

Filipiyan 4:6

No wori wori op unuself bout notn. We unu fi du a prie tu Gad bout evriting, aks im fi we unu waahn, an gi im tangks fi evriting.