Matyu 6:23 - Di Jamiekan Nyuu Testiment

²³ Bot ef unu yai no gud, den di uol badi naa go daak op? Kaaz ef di sitn we fi gi unu lait, daak, den laad a masi man — unu wel daak den!

Matyu 6:23 ပူးပေါင်းရင်းမြစ်များ

Matyu 20:15

Mi kyaahn du we mi waahn du wid fi mi uona moni? Iihn? Ar a red yai unu red yai kaa mi kain?’

Matyu 6:22

“Di yai dem a laik lamp, a dem gi di uol badi lait. So ef yu yai dem gud, yu uol badi wi ful-a lait. So unu wi si gud gud wa unu a du iina evri paat a unu laif.

Maak 7:22

sliip wid ada piipl we dem no marid tu, waahnti-waahnti, wikid, tel lai, no bizniz wid no laa an brok evri wan a dem, red yai, tek dem mout tier dong ada piipl, shuo aaf, an ful op a aal kain-a fuulinish.

Luuk 11:34

Yu yai dem a laik lamp, a dem gi yu badi lait. Wen yu yai dem gud, yu uol badi ful-a lait. Ef dem bad, yu badi ful-a daaknis.

Luuk 8:10

Jiizas se tu dem se, “Unu get fi andastan di siikrit sopm dem bout Gad kindom, bot fi ada piipl, mi mek wa mi se soun laik rigl. So dat, “ ‘Iivn duo dem kyan si, dem naa si; an iivn duo dem kyan ier, dem naa andastan.’

Ruoman 1:22

Dem kliem se dem waiz bot a fuul dem ton fuul.

1 Korintiyan 2:14

Di piipl we no av Gad Spirit, naa go biliiv notn we di Spirit se kaaz it a-go komiin laik fuulinish tu dem. Dem naa go kyan andastan it, kaaz a onggl wen yu av di Spirit yu kyan andastan dem sitn de.

Ifiijan 4:18

Dem kyaahn andastan notn, an dem no av no lat an paat iina di nyuu laif we Gad gi, kaaz dem no nuo bout Gad. An dem no nou notn bout Gad, kaaz dem ton dem main gens im.

Ifiijan 5:8

Wan taim, unu did a liv iina di daak laik piipl we no nuo Gad. Bot nou dat unu ton di Laad pikni, unu no iina daaknis agen, unu iina lait. So nou, unu mos liv laik piipl we de iina di lait,

1 Jan 2:11

Bot di wan we iet im breda an sista a liv an a waak iina daaknis; im kyaahn si we im a go, kaaz di daaknis blain im yai dem.