Matyu 6:22 - Di Jamiekan Nyuu Testiment

²² “Di yai dem a laik lamp, a dem gi di uol badi lait. So ef yu yai dem gud, yu uol badi wi ful-a lait. So unu wi si gud gud wa unu a du iina evri paat a unu laif.

Matyu 6:22 ပူးပေါင်းရင်းမြစ်များ

2 Korintiyan 11:3

Bot mi fried se, jos laik ou di siniek di chrik op Iiv, sumadi a-go chrik unu an kaaz unu fi ton we fram Krais Jiizas an tap fala im wid aal a unu aat.

Koloshan 3:22

An sliev, unu maasta dem we de ya pan ort, unu fi lisn dem an du aal we dem se unu fi du. An no du dat onggl wen dem a wach unu ar jos kaaz unu waahn fi mek piipl api wid unu. Nuo! Unu fi riili lisn wa dem se an du wa dem se unu fi du ef dem a wach ar ef dem naa wach. Unu fi du dat kaaz unu a du wa rait iina unu aat an unu rispek Gad.

Ifiijan 6:5

Unu si unu we a sliev, unu fi rispek unu maasta an du we dem waahn unu fi du. Unu fi sorv dem wid aal a unu aat, siem laik ou unu wuda du we Krais Jiizas waahn unu fi du.

Aks 2:46

Evridie dem miit op iina di yaad we Gad ous de. Dem go a wan aneda ous an iit fuud tugeda an dem aat did wel api. Dem did api fi shier wid wan aneda.

Matyu 5:15

Nobadi no lait lamp an kova it op anda wan boul — nuo sa! Lamp pudong we it kyan lait op di uol ous.