Matyu 6:20 - Di Jamiekan Nyuu Testiment

²⁰ Wa unu fi du, a pail op unu chrezha op a evn. No worm no de de-so. Dem naa go get rosti an mash op, an no tiif no de de fi brok iin an tiif unu sitn dem.

Matyu 6:20 ပူးပေါင်းရင်းမြစ်များ

Luuk 12:33

Sel wa unu av an elp di puor so unu kyan get moni we kyaahn ron out an stuor op aal kain-a gud sitn fi unuself iina evn. Wa de op de-so no tiif kyaahn kom tek an no mat kyaahn kom nyam nyam op.

Matyu 19:21

So Jiizas se, “Ef yu waahn bi evriting we Gad waahn yu fi bi, gwaan go sel evriting we yu av an gi di moni tu di puo piipl dem, an yu wi rich iina evn. Wen yu du dat, kom fala mi.”

Jiemz 2:5

Mi breda an sista, ier wa mi a se. No Gad pik di puo piipl iina di worl fi bles dem kaaz dem biliiv iina im? Im pik dem fi tek paat iina im kindom wa im pramis fi gi aal uu lov im.

1 Timoti 6:19

Ef dem du dis, dem wi bil wan salid fyuucha fi demself an wi get di laif we Gad pramis.

Luuk 18:22

Afta Jiizas ier dis, Jiizas se tu im se, “Yu stil av wan ting lef fi du. Sel evriting we yu av an gi di moni tu di puo piipl dem, an yu wi rich iina evn. Wen yu du dat, kom fala mi.”

Revilieshan 2:9

Mi nuo bout aal a unu sofarieshan an ou unu puor — bot unu riili rich. An di piipl dem we se dem a Juu bot dem a no Juu, mi nuo ou dem a tel aal saat a lai an a chat bad bout unu. Dem a wan gruup a piipl we bilang tu Sietan.

Iibruu 11:26

Im did fiil se di sofarieshan we di wan we Gad sen fi siev piipl go chuu, wot muo dan aal a di rich sitn dem we de a Iijip. Im did fiil so, kaaz im yai did de pan di blesn dem we im did a-go get.

1 Timoti 6:17

Waan di rich piipl dem se dem no fi gwaan laik dem beta dan enibadi els jos chuu dem av moni. Dem no fi put dem chos iina moni niida kaaz moni kom an moni go. Wa dem fi du a put dem chos iina Gad kaaz im wi gi wi aal we wi niid fi liv api.

1 Piita 1:4

Siek-a dat, wi kyan luk fi get aal a wa Gad a kip sief iina evn fi im piipl dem. Dem sitn de kyaahn ded. Dem naa go pwail ar doti op. An dem kyaahn jrai op an disapier niida.

1 Piita 5:4

An wen di Ed Shepad kom bak, unu wi get wan shaini kroun we naa go fied out.

Iibruu 10:34

Kaaz fi riil, unu aal sari fi di piipl dem we dem chuo iina prizn. An wen dem kom tek we unu sitn dem, unu mek dem galang wid dem, an aal a sumail sed wie, kaaz unu nuo se unu uon tingz we moch moch beta dan dem sitn de, an wa unu uon a-go laas fi eva.

Matyu 6:19

“No bada gyada op chrezha fi unuself, we de ya-so pan ort. Yu si ya-so, worm an dem sitn de wi kom nyam nyam op unu sitn dem, an dem wi get rosti an mash op. Plos tiif de ya, an dem wi kom brok iin an tek we unu sitn dem.

Maak 10:21

Jiizas luk pan im an lov im, an se tu im se, “A onggl wan sitn yu shaat a. Go sel evriting we yu av an gi di moni tu di puo piipl dem, an yu wi rich iina evn. Wen yu du dat, kom fala mi.”