Matyu 6:12 - Di Jamiekan Nyuu Testiment

¹² Paadn wi fi aal a di rang we wi du, siem laik ou wi paadn dem we du wi rang.

Matyu 6:12 ပူးပေါင်းရင်းမြစ်များ

Ifiijan 4:32

Unu fi kain an gud tu wan aneda. Unu no fi kip op wan aneda iina unu aat. Siem laik ou Gad paadn unu siek-a wa Jiizas Krais du, a siem so unu fi paadn unu wan aneda tu.

Maak 11:25

So enitaim unu tan op fi prie, ef unu av notn gens nobadi unu fi paadn dem. Da wie de unu faada we iina evn wi paadn unu fi aal a di rang unu du.”

Ifiijan 1:7

Jiizas gi op im laif pan di kraas an fi im blod mek wan wie fi frii wi an paadn wi fram wi sin dem. A chuu Gad gud an kain mek dem sopm ya kyan apm.

Koloshan 3:13

No mata wa apm, unu fi bier wid unu wan aneda, an paadn unu wan aneda no mata wa dem du. Paadn unu wan aneda, jos laik ou di Laad did paadn unu. Put aan aal a we mi a tel unu nou, laik se a kluoz unu a put aan.

Luuk 11:4

Paadn wi fi aal a di rang we wi du, kaa wi paadn piipl we du wi rang tu. An no mek wi fies notn we wi kaaz wi fi sin.’ ”

Luuk 6:37

“No joj piipl laik se Gad kyaahn paadn dem. Ef unu du dat di siem ting a-go riich unu. An no bada se nobadi gilti an rait dem aaf, kaaz dat wi riich unu tu. Paadn piipl, an unu wi get paadn tu.

Aks 13:38

“So mi breda an sista, mi waahn unu fi nuo dis, so wi a tel unu se, siek-a wa Jiizas du, Gad waahn unu fi nuo se unu kyan get paadn fu'unu sin dem.

Matyu 9:2

Siem taim som piipl bring wan kripl man kom tu im pan wan chrecha. Wen Jiizas si umoch dem biliiv iina im, im se tu di kripl man se, “No wori mi bwai! Mi paadn yu fram aal a yu sin dem.”

Matyu 26:28

Kaaz dis a mi blod. A da blod ya yuuz fi set op di nyuu plan we Gad mek wid unu. A da blod ya ron fi evribadi, so dem kyan get paadn fi dem sin.

Luuk 13:4

Di ietiin we ded wen di towa iina Sailuom jrap pan dem, unu tingk se dem did wosa dan di res a piipl we liv iina Jeruusilem?