Matyu 5:47 - Di Jamiekan Nyuu Testiment

⁴⁷ An ef unu onggl tel fu'unu piipl dem oudi, a wa unu wuda du so we nobadi els no du? Iihn? Dong tu di rang-duwa du dat tu, no chuu?

Matyu 5:47 ပူးပေါင်းရင်းမြစ်များ

Matyu 10:12

Wen unu a go iina di yaad, tel evribadi oudi an aks Gad fi bles dem.

Matyu 5:20

Mek mi tel unu sopm, ef unu no du di sitn dem we Gad waahn muo dan di Laa tiicha an di Farisii dem, unu kyaahn ton wan a di piipl dem we Gad ruul uova.

Matyu 5:46

Aftaraal, ef unu onggl lov di piipl dem we lov unu, wa unu a-go get outa dat?

Matyu 5:48

So ier mi nou, unu no fi gud onggl somtaim an onggl tu som piipl; nobadi no fi av notn bad fi se bout unu, tan jos laik unu faada we iina evn — im gud aal di wail, tu evribadi, an nobadi kyaahn se notn bad bout im an a taak chuut.”

Luuk 6:32

“Ef unu lov onggl di piipl dem we lov unu, wa big iina dat? Iivn di rang-duwa dem lov piipl we lov dem.

Koloshan 4:14

Wi gud gud fren Luuk, di dakta — im an Diimas sen oudi tu.

Koloshan 4:15

Tel di breda an sista dem a Leyodiisiya se mi se oudi. Tel Nimfa oudi an Gad piipl dem we miit op an av choch a ar yaad.

1 Piita 2:20

So unu get wan biitn an unu bier it kaaz unu du sitn rang. Wa big iina dat? Bot ef unu sofa siek-a sopm gud wa unu du, an unu bier di sofarieshan, nou a dat Gad a-go bles.