Matyu 5:39 - Di Jamiekan Nyuu Testiment

³⁹ Bot ier wa mi a tel unu se, di piipl dem we du aal saat a wikidnis tu unu, lou dem mek dem gwaan. Ef sumadi baks unu kraas unu fies, pan di rait an said, ton di neks said gi dem.

Matyu 5:39 ပူးပေါင်းရင်းမြစ်များ

Matyu 5:40

An ef nobadi waahn kyari unu go kuot fi tek unu shot, gi dem yu jakit tu.

Luuk 22:64

Dem put klaat uova im yai an se, “So yu se yu a prafit, so tel wi, uu lik yu?”

Luuk 6:7

Nou di Farisii an di Laa tiicha dem did a luk fi wan riizn fi se sitn bad bout Jiizas. So, dem wach im laik aak fi si ef im a-go mek nobadi beta pan di Sabat.

Jan 18:23

So Jiizas se tu im se, “Ef mi se sitn rang, den tel evribadi ya-so wa mi se we rang. Bot ef mi onggl taak wa chuu, wa mek yu baks mi?”

1 Korintiyan 6:7

Di fak se unu afi kyari unu wan aneda go kuot fi saat out unu prablem dem shuo se unu naa liv laik ou Gad waahn unu fi liv. Unu no tingk it beta fi sumadi du unu rang? Unu no tingk it beta fi sumadi tiif fram unu?

1 Tesaluoniyan 5:15

Mek shuor se nobadi no chriit sumadi bad kaaz dat de sumadi did chriit dem bad, bot unu fi aalwiez chrai fi diil wid unu wan aneda gud, an diil wid ada piipl gud tu.

Iibruu 12:4

Unu a fait gens sin, bot unu neva yet fait so til blod staat ron.

Jiemz 5:6

Unu mek joj rait aaf piipl we no du notn rang se dem gilti, an morda dem. An dem kudn iivn tan op fi demself gens unu.

1 Piita 3:9

Wen sumadi du unu sopm, unu no fi du dem bak notn. An wen dem kos unu out, no bada kos dem aaf; insted-a dat unu fi aks Gad fi bles dem kaaz Gad kaal unu fi bles unu.