Matyu 5:30 - Di Jamiekan Nyuu Testiment

³⁰ Ef unu rait an mek unu sin, chap it aaf man an dash it we! Aftaraal it beta fi luuz onggl wan badi paat, dan di wol badi get fling dong a el.

Matyu 5:30 ပူးပေါင်းရင်းမြစ်များ

Matyu 11:6

Gad bles di piipl dem we no tap chos iina mi jos kaa mi no gwaan ou dem tingk di wan we dem a wiet pan fi gwaan.”

Matyu 13:21

Bot siem laik di plaant uufa ruut no go dong diip iina di grong, im no mek Gad wod go diip iina im aat, so im no laas no taim. Bot wen tof taim lik im siek-a Gad wod, im gi op an ton bak siem taim — siem laik ou di plaant jrai op an ded.

Matyu 16:23

Bot Jiizas ton tu Piita an se, “Gu we fram mi Sietan! Yu dis a blak op mi wie so, kaa yu naa tingk bout di sitn dem we Gad waahn; a onggl wa piipl waahn de pan yu main!”

Matyu 17:27

“Bot, kaa wi no waahn nobadi beks, go dong a di sii an chuo out yu lain fi kech fish, an di fos fish yu kech wen yu uopm op im mout yu a-go fain wan silva kain. Gi dem dat fi fi mi an fi yu taks fi Gad ous.”

Matyu 18:8

Ef unu an an fut mek unu sin, chap dem aaf an dash dem we. Kaaz it beta fi unu kripl ar kyaahn waak an liv fi eva wid Gad dan fu'unu av tuu an ar tuu fut an get dash dong a el we di faiya no tap bliez.

Matyu 22:13

“Den di king tel di sorvant dem we wok iina di ous se, ‘Tai op im an an fut dem, an chuo im wich paat it blak laka migl nait. De-so, dem a-go baal an grain dem tiit, siek-a di pien we a waks dem.’

Matyu 25:20

Di wan we did get di faiv bag kom bring faiv muo, ier im no, ‘Sa, yu gi mi faiv bag a guol fi tek kier a. Si mi mek faiv muo pan tap a it de.’

Matyu 26:31

Den Jiizas se tu dem se, “Tinait, tinait, di uol a unu a-go ron we lef mi siek-a wa a-go apm tu mi, kaa it rait dong iina Gad wod se: “‘Mi a-go lik dong di shepad, an aal a di shiip dem a-go ron aal bout di plies.’

Matyu 5:22

Bot ier wa mi a se, jos beks wid unu breda ar unu sista, an unu afi go a kuot, an di joj a-go se unu gilti an rait unu aaf! An enibadi we shiem dem breda ar sista an tel dem ou dem woklis an dem sitn de, unu a-go afi go a di tap-a-tap joj dem, an enibadi we kaal dem breda ar sista wan woklis gud fi notn fuul — el faiya a-go riich dem.

Matyu 5:29

Ef unu rait yai a mek unu sin, tier it out an dash it we! Aftaraal it beta fi luuz onggl wan badi paat, dan di wol a di badi get fling dong a el.

Maak 9:43

So ef unu an mek unu sin, chap it aaf. Kaaz it wuda beta fi unu kripl an liv fi eva wid Gad dan fi av tuu an an get fling dong iina el faiya we kyaahn out!

Luuk 12:5

Mek mi tel unu uu unu fi fried a: fried a di wan we kyan kil di badi an av di powa fi fling unu suol dong a el tu. Yes mi a tel unu, a im unu fi fried a.

Luuk 17:2

Dem wuda betaraaf ef wan big big rakstuon did tai roun dem nek an dem get fling iina sii, dan fi dem kaaz wan a dem likl wan ya fi sin.

Ruoman 9:33

A dat Gad wod did a taak bout. It rait dong se Gad se: “Lisn Gud! Mi a put wan stuon iina Zaiyan we a-go chrip piipl — wan stuon we a-go kaaz piipl fi faal dong. Bot di piipl we biliiv iina mi, mi naa go mek dem shiem.”

1 Korintiyan 8:13

So ef wa mi nyam a-go kaaz mi breda fi sin, mi wi tap nyam it. Da wie de mi wudn kaaz im fi sin.

Gyalieshan 5:11

Nou breda an sista, ef mi did a priich se piipl mos sorkomsaiz stil, unu tingk se di Juu dem wuda stil a mek mi sofa aal nou? Ef mi did a priich dat insted-a priich bout ou Jiizas ded pan di kraas fi wi, dem wudn beks no muor, kaaz mi wuda a du wa dem waahn.

1 Piita 2:8

an wan neks paat iina Gad wod se, “Dis a wan stuon we kaaz man fi tombl dong — wan rak we wi chrip dem.” Dem tombl dong a grong kaa dem neva fala wa Gad se. An dat a wa Gad did plan fi dem.