Matyu 5:24 - Di Jamiekan Nyuu Testiment

²⁴ unu fi lef unu aafrin a di alta — no gi it op yet. Go mek it op wid unu breda ar sista fos an den kom bak kom gi unu aafrin.

Matyu 5:24 ပူးပေါင်းရင်းမြစ်များ

Matyu 23:23

“A se chobl fu'unu Laa tiicha, an aal unu Farisii — chobl! Ipokrit! Unu gi Gad wan outa evri ten mint, spais laik dil, an ada siiznin laik kyuumin, bot di sitn dem we muo impuotant iina Gad Laa unu no bizniz wid dem de. Im se unu fi chriit piipl fier, unu fi gud an kain tu dem an fi mek shuor se im kyan chos unu kaa unu du wa im se unu fi du, bot unu no pie dem paat a di Laa de no main. A dem paat a di Laa de unu fi fala, bot unu fi stil memba fi du di ada wan dem tu.

Matyu 5:23

“So ier mi den, ef unu a go a di alta go gi unu aafrin an unu memba se unu breda ar sista beks wid unu bout sitn,

Maak 9:50

“Saalt gud, bot ef di ties gaan, ou yu a-go mek it ties laik saalt agen? Mek di Gud Nyuuz komiin laik saalt mongks unu an kaaz unu fi liv iina piis wid wan aneda.”

1 Korintiyan 11:28

Bifuo dem nyam di bred ar jringk fram di kop, evribadi mos luk pan demself an mek shuor se dem a tek paat fi di rait riizn.

1 Timoti 2:8

So mi aks dat wen unu kom tugeda fi worship Gad, dat aal a di man dem wi lif op dem an, an prie. Dem man ya laif mos kliin an wen dem a prie dem no fi av op nobadi iina dem aat ar a kwaril wid dem wan aneda.

Jiemz 5:16

Ef unu sin, unu fi tel wan aneda wa unu du, an prie fi wan aneda so unu kyan get beta. Wen sumadi we liv rait prie, im prieya ful op a powa an wi mek gud sitn apm.