Matyu 5:20 - Di Jamiekan Nyuu Testiment

²⁰ Mek mi tel unu sopm, ef unu no du di sitn dem we Gad waahn muo dan di Laa tiicha an di Farisii dem, unu kyaahn ton wan a di piipl dem we Gad ruul uova.

Matyu 5:20 ပူးပေါင်းရင်းမြစ်များ

Filipiyan 3:9

Mi waahn Jiizas fi tek ful kanchuol a mi — badi an suol. Mi naa dipen pan notn we di Laa se, ar we mi kyan du fi mek miself rait iina Gad yai. Mi a dipen pan di rait sitn dem we Jiizas du, kaaz fi get rait iina Gad yai yu afi dipen onggl pan wa Jiizas du.

Iibruu 12:14

Chrai aad fi liv iina piis wid evribadi, an chrai fi no dabl-dabl iina sin bot tan gud an kliin kaaz nobadi naa get fi si Gad ef dem no gud an kliin.

2 Korintiyan 5:17

Wen sumadi biliiv iina Krais Jiizas, dem ton wan nyuu sumadi. Dem tap liv di wie dem yuus tu liv bifuo dem biliiv an staat liv difrant.

Matyu 7:21

“A no evribadi we kom tu mi an kaal ‘Laad, Laad,’ a-go get fi kom ton wan a dem we Gad ruul uova yu no; onggl di piipl dem we du wa mi Faada iina evn waahn.

Revilieshan 21:27

Notn we no kliin, nobadi we du wikid an torbl naasinis, an nobadi we tel lai kyan go iina di siti. Onggl di piipl dem uufa niem rait dong iina di buk we di Biebi Shiip av kyan go iin de. A iina da buk de Gad rait dong di niem a di piipl dem we a-go liv fi eva an eva.

Luuk 18:17

Mi tel unu dis ya, an a chuu mi a taak, enibadi we no chos iina Gad an fala im laik wan likl pikni naa go kyan go iina Gad kindom.”

Luuk 12:1

Wen touzn an touzn a piipl staat gyada gyada we Jiizas de, dem did so nof dem aal a tep op tep op pan dem wan aneda. Jiizas taak tu im speshal falara dem fos, im se, “Wach out fi di tuu mout Farisii dem.

Luuk 11:44

“Chobl fi unu, kaaz unu komiin laik griev wa piipl waak pan an no nuo se it de de, chuu dem no av no maak pan dem.”

Maak 10:25

It iiziya fi wan kyamil go chuu wan niigl yai dan fi sumadi we rich go iina Gad kindom.”

Maak 10:15

Mi a tel unu dis ya, an a chuu mi a taak, enibadi we no chos iina Gad an fala im laik wan likl pikni naa go kyan go iina Gad kindom.”

Matyu 18:5

“An enibadi we welkom pikni laik da wan ya, kaa di pikni chos iina mi, dem welkom mi tu.

Matyu 3:10

Rait ya nou di aks de a di chrii ruut. An evri wan a di chrii dem we naa bier gud fruut a-go chap dong an bon op iina faiya.

Matyu 16:12

A da taim de Jiizas falara dem kech se im neehn a taak tu dem bout yiis fi mek bred, bot im did a taak gens di sitn dem we di Farisii an Sadyusii piipl dem tiich.

2 Korintiyan 3:9

So ef di Laa we sen piipl fi ded did kom wid da powaful lait de, di Nyuu Diil we kyan siev piipl no mos kom wid wan muo powaful lait.