Matyu 5:19 - Di Jamiekan Nyuu Testiment

¹⁹ So ier mi nou, enibadi we brok dong tu di liklis Laa, an go tiich piipl se di Laa no mata an mek dem brok it tu, outa aal di piipl dem we Gad ruul uova, da sumadi de naa go mata so moch iina Gad yai. Bot enibadi we lisn di Laa an du wa it se, an tiich piipl fi du dat tu, dem a-go get tap-a-tap pozishan iina Gad kindom.

Matyu 5:19 ပူးပေါင်းရင်းမြစ်များ

Matyu 11:11

Mek mi tel unu dis, Jan di Baptis biga dan enibadi we eva baan fram wan uman. Bot iivn di luowis sumadi iina Gad kindom, biga dan im.”

Matyu 19:28

So Jiizas se tu dem se, “Ier mi no, an a chuu mi a taak: Wen Gad mek evriting nyuu agen, an di Man we Gad Pik sidong pan im tap-a-tap chuon, aal a unu, we fala mi, a-go sidong pan unu uona chuon tu. Unu a-go sidong pan twelv chuon a joj Izrel twelv chraib dem.

Matyu 20:26

A no so it fi go mongks unu! Insted-a dat, ef nobadi waahn av tap pozishan mongks unu, dem afi sorv unu,

Matyu 28:20

Gwaan go tiich dem fi lisn an fala aal a di ruul dem we mi gu'unu. An memba, mi no lef unu non at aal, mi de wich paat unu de til taim don.”

Luuk 1:15

Yu bwai pikni a-go speshal iina Gad yai. Im no fi jringk no wain ar no ada chrang jringk. Di Uoli Spirit a-go kanchuol im fram im iina im mada beli.

Luuk 11:42

“Aal unu Farisii — Chobl fi unu, kaaz outa evri ten bongl a mint, tii bush an di sitn dem we unu gruo iina unu gyaadn, unu gi Gad wan. Bot stil unu no diil wid piipl fier an unu no lov Gad niida. Wa unu fi du a diil wid piipl fier, lov Gad an gi Gad di wan outa evri ten we unu av siem wie.

Luuk 9:48

Jiizas se tu dem se, “Enibadi we welkom da likl pikni ya, kaa im chos iina mi, welkom mi tu. An enibadi we tek mi iin, tek iin di wan we sen mi tu. Di wan mongks unu we de a di batam, a im av di tap a tap pozishan.”

Aks 1:1

Tiyafilas sa, iina mi fos buk mi rait bout aal a di sitn dem we Jiizas du an we im tiich fram di staat

Ruoman 3:8

Ef unu a go se dat, mek unu no jos se, “Kom mek wi go du aal kain-a wikid sitn, so dat wi wi kaaz nof gud sitn fi apm” — no dat som piipl we lov tel lai pan wi, a kliem se wi se. Dem piipl de, Gad a-go ponish dem — dem a-go get jos wa dem fi get.

Ruoman 6:1

So den wa unu tingk? Unu tingk se wi fi gwaan sin so dat Gad wi shuo wi muor an muor lov, iivn duo wi no dizorv it?

Ruoman 6:15

Di Laa kyaahn siev wi, so wi no afi fala it. Wi get siev kaaz Gad shuo wi lov iivn duo wi neva dizorv it. So den wa unu tingk dat miin? Unu tingk it miin se wi kyan gwaan liv iina sin? Nuo sa! Notn kyaahn go so!

1 Timoti 6:11

Bot aal laik yu Timoti we a wan man a Gad, yu fi ron fram dem wikid sitn de. Yu fi chrai yu bes fi liv ou Gad waahn yu fi liv an fi liv di sitn dem we yu tiich. Yu mos gwaan tiich di Wod an chos se Gad wi gi yu chrent. No gi op, shuo lov an tek yu taim wid piipl tu.

Taitos 3:8

Aal a wa mi jos tel yu, a chuu sopm. An a dat mi waahn yu fi tiich aad aad. Tiich it so dat aal a di piipl we biliiv iina Gad wi mek shuor se dem onggl du gud sitn; dem sitn ya gud an wi elp evribadi.

1 Piita 5:4

An wen di Ed Shepad kom bak, unu wi get wan shaini kroun we naa go fied out.

1 Jan 3:4

Evribadi we sin brok Gad Laa, kaaz sin a di siem sitn laik wen sumadi brok Gad Laa.

Revilieshan 2:20

Bot mi stil av sitn gens unu. Unu put op wid da uman de, Jezibel, we kaal arself wan prafit. Shi yuuz di sitn dem we shi a tiich fi chrik mi sorvant dem fi tek paat iina seks sin an fi nyam fuud we dem tek bon sakrifais gi faalz gad.