Matyu 5:17 - Di Jamiekan Nyuu Testiment

¹⁷ “No bada tingk se mi kom ya fi mash op we di Laa tiich an we di prafit dem did tiich, an se dem sitn de naa no yuus agen. A no dat mi kom ya fa, az a matarafak, a kom mi kom ya fi mek di uol a dem kom chuu.

Matyu 5:17 ပူးပေါင်းရင်းမြစ်များ

Matyu 3:15

So Jiizas ansa im se, “Rait ya nou, du wa mi aks yu fi du, da wie ya wi wi du aal we Gad waahn wi fi du!” So Jan se aarait den an du it.

Matyu 7:12

So, no mata wa unu a du, unu fi chriit piipl ou unu waahn dem fi chriit unu. Dis a we di Laa an di prafit dem did miin.

Luuk 16:17

It wuda kwika fi evn an ort mash op dan fi di liklis leta iina di Laa chienj.

Jan 8:5

Iina di Laa, Muoziz tel wi se wi fi stuon uman laka dis ya. So, we yu se nou?”

Aks 18:13

dem se, “Da man ya a chrai fi get piipl fi worship Gad iina wan wie we go gens di Laa!”

Aks 21:28

an staat baal out, “Aal uu a Juu, unu kom elp wi diil wid da man ya! A da man ya a tiich evribadi evriwe fi ton gens wi piipl, wi Laa, an da uoli plies ya! An fi mek it wosa, im aal kyari som Griik piipl go iina di paat a Gad ous we di Laa se onggl Juu fi go, an mek it no uoli no muor.”

Aks 6:13

Dem kyari iin som man fi tel lai pan Stiivn. Dem se, “Da man ya no tap taak torbl sitn gens da plies ya we uoli, an gens di Laa we Gad gi Muoziz fi gi wi.

Ruoman 10:4

Bot Krais Jiizas mek it so dat wi no afi fala di Laa no muor; Gad wi mek tingz rait bitwiin im an enibadi we biliiv iina Krais Jiizas.

Ruoman 3:31

So wa dat miin fi di Laa? Ef Gad onggl mek tingz rait bitwiin im an piipl wen dem biliiv, dat miin se di Laa no wot notn? Nuo notn no go so! Wen wi biliiv iina Gad wi a shuo se di Laa riili wot sopm, a da taim de wi riili a fala di Laa.

Ruoman 8:4

Gad du dat, so dat aal a wi we a liv ou im Spirit se wi fi liv an uu naa du di sitn dem we wi badi waahn fi du, aal a wi wuda a du di sitn dem we di Laa se it rait fi wi du.